குப்பை சேகரிப்பவன்
ஷங்கர் ராம சுப்ரமணியன்
குப்பைகளிலிருந்து
கவிதைகளைச் சேகரிக்கும்
சிறுவன் நான்.
எரியும் சூரியனுக்குக் கீழே
நான் வெயிலின் மகன்
தனிமையான இரவு வானத்தின் கீழே
நான் நட்சத்திரத்தின் பிள்ளை.
மழையில் என் வசிப்பிடம்
மூழ்கும்போது
தவளை ஈனும் தலைப்பிரட்டைகளில்
ஒரு உயிர் நான்.
ஈரக்குப்பை
உலர்குப்பை
மக்காத குப்பை அனைத்தும்
எனது கைகளுக்குத் தெரியும்
கண்ணாடிப் பொருட்களால்
ஊறுபட்ட காயங்களும் தழும்புகளும்
எனக்கு உண்டு.
நட்சத்திரத்தின் உயரத்திலிருந்து
குப்பைத்தொட்டிகளைப் பார்த்தால்
இந்த உலகம் அழகிய சிறு கிணறுகளால்
ஆனதாய் நீங்கள் சொல்லக்கூடும்
ஆனால் உண்மையில்
இவை ஆழமற்றவை..
நான் நடக்கும் நிலத்திற்கு
அடியில்
கடல் கொண்ட நகரங்களும்
மூதாதையரும்
அவர்தம் மந்திரமொழியும் புதைந்துள்ளது
எனக்கும் தெரியும்.
ஆனாலும்
ஒரு ஆணுறையை
பால்கனியிலிருந்து
எறியப்படும் உலர்ந்த
மலர்ச்சரங்களை
குழந்தைகளின் ஆடைகளை
தலை உடல்
தனியாக பிய்க்கப்பட்ட பொம்மைகளை
விரலில் சுற்றி வீசப்பட்ட கூந்தல் கற்றையை
ரத்தம் தோய்ந்த மருந்து ஊசிகளை
சுமந்து செல்லும்போது
பூமியின் பாரத்தை
உடைந்த சிலம்புகளை
சுமக்கும்
புனித துக்கம் எனக்கு…
—————————–
- கைந்நிலை காட்டும் இல்லத்தலைவி
- திண்ணையின் இலக்கியத் தடம் -26
- மருத்துவக் கட்டுரை ஆஸ்த்மா
- குப்பை சேகரிப்பவன்
- “மார்பு எழுத்தாளர்கள்”-ஒரு பின்னூட்டக் கட்டுரை.
- குப்பையாகிவிடவேண்டாம் நாம்!
- நினைவில் பதிந்த காட்சிகள் – கதிர்பாரதியின் ‘மெசியாவுக்கு மூன்று மச்சங்கள்’
- தொடுவானம் 7. தமிழ் மீது காதல்
- தினம் என் பயணங்கள் – 8 (மேல் செங்கத்தில் மான் வேட்டை)
- வால்ட் விட்மன் வசனக் கவிதை – 66 ஆதாமின் பிள்ளைகள் – 3
- ஓவிய காட்சி
- அத்தியாயம்-26 துரியோதனனின் வீழ்ச்சியும், போர் முடிவும்.
- சாட்சி யார் ?
- நீங்காத நினைவுகள் – 38
- புகழ் பெற்ற ஏழைகள் – 49
- ஜெயந்தன் நினைவு இலக்கியப் பரிசுப் போட்டி-2014
- பங்காளிகளின் குலதெய்வ வழிபாடு
- இருநகரங்களின் கதை சொல்லி: சுப்ரபாரதிமணியன்
- எறும்பின் பயணம் – நிலாரசிகனின் ‘கடலில் வசிக்கும் பறவை’
- 2015 இல் புறக்கோள் புளுடோவைத் தாண்டி பரிதி மண்டலத்துக்கு அப்பால் உளவப் போகும் நாசாவின் வேக விண்ணுளவி புதுத் தொடுவான் [New Horizon]
- இலக்கியச் சோலை கூத்தப்பாக்கம், கடலூர் [ நிகழ்ச்சி எண்-145 ]
- சீதாயணம் நாடகப் படக்கதை – 24
- அம்மனாய்! அருங்கலமே!