நீ என்னைப் புறக்கணித்தால் !

மூலம் : பீட்டில்ஸ் பாடகர்

தமிழாக்கம் : சி. ஜெயபாரதன், கனடா

என்றாவது நீ என்னை விலக்கிச்

சென்றால்,

துயரில் கிடப்பேன் பரிதவித்து !

என்னை விட்டுப் போகாதே

என்றென்றும் !

உன் மீது காதல் எனக்கு அறிந்திடு.

நீ பிரிவதை அறிந்தால்,

புள்ளினம் வாடும்

என்னைப் போல் தனித்து !

ஒரே ஒருத்தி யான,

உன்னை நான் இழந்து விட்டேன் 

என்று அறிந்தால்,

துயர்க் கடலுள் மாயும்  !

மரத்து இலைகள் கேட்பின் சலசலத்து

முணுமுணுக்கும் !

என்னை அழவைத்து நீ

சென்றதை,

தென்றல் மூலம் அவை அறிந்தால்,

துயரில் அலறும் கதறி !

தெரியும் எனக்கு நீ

பிரிந்து செல்லாய் என்று !

நினைவில் உள்ளதா

செப்பினாய் அப்படி ஒருநாள் ?

நான் அதனால்

புறாவைக் கூண்டில்  போட

மறப்பேனோ ?

பறந்து போகக்  கூட்டைத்

திறப்பேனோ ?

+++++++++++++