ஆத்ம கீதங்கள் -4 சின்னஞ் சிறுவர் கூக்குரல் .. ! [கவிதை -2]

This entry is part 2 of 14 in the series 9 நவம்பர் 2014

unnamed

ஆங்கில மூலம் : எலிஸபெத் பிரௌனிங்

தமிழாக்கம் : சி. ஜெயபாரதன், கனடா

 

 

சின்னஞ் சிறுவர் மேல்நோக்கிப் பார்ப்பர்

கண்குழிந்த வெளுப்பு முகத்தோடு,

பார்க்கவே பரிதாபக் காட்சி !

முதுநரை வேதனை மாந்தர் சப்பி

நலிவுறச் செய்வர்

சிறுவர் தம் கன்னங் களை !

“உமது முதிய உலகம்

எமக்குத் துயரளிக்கும்,” என்கிறார் !

எமது பிஞ்சுப் பாதங்கள்

சக்தி யற்றுப் போகும் !

எட்டு வைத்த அடிகள் நோகும்

சோர்வுண் டாக்கும் !

குழிக்குள் அடங்க நெடுங்காலம் !

வயதினர் அழவதை ஏனெனக் கேட்போர்

மதலையர் அழுவது ஏனெனக் கேளார் !

வெளிப்புற உலகில் குளிரடிக்கும்,

எளிய சிறுவர் நாங்கள், குழம்பி

ஏதுமிலா திருக்கிறோம் !

இடு காடுகள் எமக்கில்லை,

முதியோ ருக்கே அவை !

 

மெய்யிது ! ஒருநாள் நேரும்

ஆயுள் முடியும் முன்பே மடிவோம் !

சிறுமி ஒருத்தி மரித்தாள்

சென்ற ஆண்டில் !

அவள் புதைநிலம் பனிமூடிக் கிடக்குது.

இடுகுழியைக் கூர்ந்து பார்த்தோம்

இடமில்லை ஏதும் செய்ய.

உறங்கும் சிறுமியை எழுப்புவோ ரில்லை !

பொழுது புலர்ந்தது

எழுவாய் கண்ணே என்று

எழுப்புவ ரில்லை !

அழுகுரல் காதில் கேளாது

புதைமண் கீழே !

முகம் காண முடியுமா ?

சிறுமி யாரென அறியோம்

உறுதியாய் !

கண்களில் புன்னகை மலரக்

காலம் எடுக்குது;

விளையாட்டுப் பொழுதுகள்

வீணாய் முடங்கின சவப் போர்வையில் !

சிறுவரின் கூக்குரல் இதுதான்:

“எமது காலம் முடிவ தற்கு முன்

மரணம் அடைவது நல்லது.”

 

[தொடரும்]

++++++++++++++++

மூல நூல் :

From Poems of 1844

Elizabeth Barrett Browning Selected Poems

Gramercy Books, New York 1995

  1. http://wednesdaymourning.com/blog/elizabeth-barrett-browning-beyond-victorian-love-poems/
  2. http://en.wikipedia.org/wiki/Elizabeth_Barrett_Browning
  3.  http://www.online-literature.com/elizabeth-browning/
Series Navigationஅறுபது ஆண்டு நாயகன்ஆனந்த பவன் [நாடகம்] வையவன் காட்சி -12ஆதலினால் காதல் செய்வீர்எஸ். இராமகிருஷ்ணனின் “ நிமித்தம் “ நாவலுக்கு திருப்பூரில் விருதுதொடுவானம் 41. அவர்தான் உன் அப்பாபெண்களுக்கான உதவித் திட்டங்களும் உதவும் சட்டங்களும்.
jeyabharathan

சி. ஜெயபாரதன், கனடா

Similar Posts

Leave a Reply

Your email address will not be published. Required fields are marked *