காத்திருக்கிறேன்

0 minutes, 0 seconds Read
This entry is part 15 of 34 in the series 17 ஜூலை 2011

என்றாவது வரும் மழைக்காக
அன்றாடம் காத்திருப்பது
நிரந்தரமானது
வாழத் தவிக்கும் மரத்திற்கு
ஞாபக வேர்கள்
நீரைத் தேடுவதற்கும் திராணியற்று
முடங்கிப்போக வேண்டியதாகிறது
உங்களது உறவின் வெளிச்சத்தில்
வளர்ந்த எனது நட்பின் கிளைகள்
இலையுதிர் காலத்தை சந்திக்கிறது

கடந்த காலங்களில் பதித்த
தடங்களை தடவிப் பார்க்கவும்.,
தொலைந்துபோன நட்பின்
சிறகுகளை தேடிப் பார்க்கவும்
வாழ்க்கை வானில் கவிழ்ந்த
சோக இருளைத் துடைக்க
மனப்பகிர்வு மின்னலை
வெளிப்படுத்தவும்
வாய்ப்பு வருமென காத்திருக்கிறேன்
காலம் காட்டிய திசையில்
காற்றெனப் பறந்த
உங்களின் வியர்வை துடைக்க
நூறு கரம் நீட்டிக் காத்திருக்கிறேன்
மீண்டும் எனது உணர்வுகள்
துளிர்க்க வசந்தமென வருவீர்கள்
என்ற நம்பிக்கையுடன்.

Series Navigationஜென் ஒரு பு¡¢தல் – பகுதி -2கதையல்ல வரலாறு: ருடோல்ப் ஹெஸ்ஸென்ற பைத்தியக்காரன் ? (தொடர்ச்சி)

Similar Posts

Leave a Reply

Your email address will not be published. Required fields are marked *