உபாதை

ஒலிபெருக்கியில்

ஒப்பாரி சத்தம்

உறக்கத்தைத் துரத்தியது

நேரத்தைக் கூட்டியது

தாகமெடுத்தது

அருகில் சென்ற போதுதான்

தெரிந்தது

கானல் நீரென்று

கதவு திறந்திருந்தது

உள்ளே எட்டிப் பார்த்தேன்

ஈர விறகால் அடுப்பு புகைந்தது

வானத்தின் உச்சியில் பறக்கும்

கழுகின் நிழல்

பூமியில் விழும்

விளக்கிலுள்ள சுடர் தான்

இருளை விரட்டியடிக்கின்றது

மரணப் புதிரை

அவிழ்க்க முயல்பவனை

எச்சரிக்கும் பைசாசங்கள்

கரைகளுக்கிடையே

ஓடும் ஆறு

கடல் போய்ச் சேருமா

நீர்மட்டத்திற்கு மேலே

துள்ளும் மீனை

கவ்விச் செல்லும் பறவை.