தமிழின் முதல் இணைய வாரப்பத்திரிகை

11 நவம்பர் 2018

அரசாணை – ஐந்தாண்டுகளுக்கு!

சபீர்

நூலிழை கொண்டு
நெய்து வைத்தது போல்
பெய்து கொண்டிருந்தது
மழை

இடியாமலும் மின்னாமலும்
சற்றேனும் சினமின்றி
சாந்தமாயிருந்தது
வானம்

சீயக்காய் பார்க்காத
சிகையைப்போல
சிக்குண்டு கிடந்தன
மேகங்கள்

உதயகாலம் உணராமல்
உறங்கிக்கொண்டிருந்தது
உலகம்

பஞ்சுப்பொதி மேகம் போர்த்திப்
படுத்துறங்கிக் கொண்டிருந்தது
பகலவன்

தற்காலிக ஓடைகளிலும்
தான்தோன்றிக் குட்டைகளிலும்
துள்ளின
தவளைகள்

நைந்தும்
சிதைந்தும்போய்விட்ட
மழைநீர் சேகரிப்புக் கொள்கலன்களில்
ஐந்தாண்டுகளுக்குப் பிறகு
மீண்டும்
அனிச்சையாகவே
சேகரமாயது
மழைநீர்.

Series Navigationகலில் கிப்ரான் கவிதைகள் (1883-1931) அன்புமயமும் சமத்துவமும் (Love & Equality) (கவிதை -47 பாகமும் -1)குறுநாவல்: ‘பிள்ளைக்காதல்’

2 Comments for “அரசாணை – ஐந்தாண்டுகளுக்கு!”

  • seeralan jeyanthan says:

    பழுதடைந்த டி.வி.
    பெட்டியை தூக்கிச்சென்றேன்
    ஐந்து வருடம் ஆகும்
    என்றார்கள்.

  • Aavesan says:

    kalaignar veetu vasadhi thittathin kadaisi thavanayai vaangi tharuveergalaa kalaignar uyir kakkum thittathin attayai vaitthukondirukkum ennatra noyaaligalukku eppodhu vimosanam kidaikkum


Leave a Comment

Archives