சொல்வலை வேட்டுவன்

Spread the love

தொடங்கத்தயங்கி நின்ற
எனது காற்புள்ளிகள்
உனது மேற்கோள்கள்

தொடத்தயங்கும்
உனது பதங்கள்
எனது வரிகள்

தர்க்கங்களைக்கடந்து
நிற்கும் உனது விவாதங்கள்
எனது வாக்கியங்கள்

பொருளை வெளிச்சொல்ல
தாமே நாணி நின்ற
உந்தன் சொற்கள்
எனக்கு இடைவெளிகள்

நீ விட்ட இடத்திலிருந்து
நான் துவங்கினால் அது கவிதை
நீ துவங்கினால் ?

– சின்னப்பயல் ( chinnappayal@gmail.com)

Series Navigationஎங்கோ தொலைந்த அவள் . ..குவிந்த விரல்களுக்குள் படபடக்கும் சிறுவண்ணாத்தி