நிலைத்தகவல்

Spread the love

கூச்சல்களும் எதிர்ப்புகளும்
நிலைத்தகவல்களிலேயே முடிந்துவிடுகிறது

ஆதரவுகளும் அரவணைப்புகளும்
ஒருசில லைக்குகளோடு முடிந்துவிடுகிறது

பெண்ணியமும் ஆணியமும்
ஆங்கில விசைப்பலகையின் விசை கொண்டு
தமிழுருவில் எழுதப்பட்ட வலைப்பதிவோடு முடிந்துவிடுகிறது

அவலங்களும் அராஜகங்களும்
பின்னூட்டங்களிலும் எதிர்வினைகளிலுமே தீர்ந்து விடுகிறது

எனக்கென்னவாயிற்று,
ஒரு கையில் கோப்பைத்தேநீருடன்
நானெழுதிய இந்தக்கவிதை(?)
பிரபல வாரப்பத்திரிக்கையில்
வெளிவந்தால் மட்டும்
எனக்குப் போதுமென்றாகிவிட்டது.

– சின்னப்பயல் (chinnappayal@gmail.com)

Series Navigationஅவன் – அவள் – காலம்