தசைப் பிடிப்பு என்பதை வாய்வுக் குத்து, குடைச்சல் என்று கூறுவர். ஆங்கிலத்தில் இதை ” கிரேம்ப் ” என்பர். உண்மையில் இதை தசைகளில் உண்டாகும் இறுக்கம் அல்லது பிடிப்பு. இதற்கு இன்னும் பல பெயர்கள் உள்ளன. தசை நார்ச் சுரிப்பு, தசை மரத்தல், சூரை பிடித்தல், தசை இசிவு, பிடியிருக்கம் என்ற பெயர்களில்கூட இது அழைக்கப்படுகிறது. கடுங்குளிரினால் அல்லது மட்டுமீறிய தளர்ச்சியினால் உண்டாகும் தசைநார் பிடிப்பு இது எனலாம்.
தசைப் பிடிப்பு என்பது திடீரென்று கால் தசைகள் இறுக்கமுற்று கடுமையாக வலிப்பதைக் குறிக்கிறது. இது இரவில் படுத்தபின்பு உறக்கம் வரும் வேளையில் அல்லது விடிந்து எழும் வேளையிலும் உண்டாகும்.
தசைப் பிடிப்பு எப்படி உண்டாகிறது என்பது சரிவரத் தெரியவில்லை. ஆனால் சில காரணங்களால் இது ஏற்படலாம் என்பது தெரியவந்துள்ளது. அவை பின்வருமாறு.
* கடுமையான உடற்பயிற்சி , விபத்து, பளுவான வேலை, காரணமாக தசைகளை அதிகம் பயன்படுத்துவது.
* கர்ப்ப காலம்- கர்ப்பமுற்ற பெண்களுக்கு கால்சியமும் மெக்னீசியமும் குறைவு படுவதால் தசைப் பிடிப்பு உண்டாகலாம்.
* குளிர் அல்லது குளிர்ந்த நீர் உடலில் படுவது.
* இரத்தக் குழாய்கள், சிறுநீரகம், தைராய்டு சுரப்பி கோளாறுகள்.
* வெகு நேரம் நிற்பது, வெகு நேரம் அமர்ந்திருப்பது, உறங்கும்போது கால்களை தவறான முறையில் வைத்திருப்பது.
* இரத்தத்தில் பொட்டாசியம்,கால்சியம் குறைவு.
* உடலில் போதுமான நீர் இல்லாதிருப்பது.
* சில மருந்துகள் உட்கொள்ளுவது.மனநோய் மருந்துகள், இரத்தக்கொதிப்பு மாத்திரைகள்,சிறுநீர் வெளியேற்றும் மருந்துகள், கருத்தடை மருந்துகள், ஹார்மோன் மாத்திரைகள், கொழுப்பு குறைக்கும் மாத்திரைகள் சில உதாரணங்கள்.
தசைப் பிடிப்பு வராமல் தடுக்க மருந்துகள் இல்லையென்றாலும், சில வழிமுறைகள் மூலமாக அதை உடன் தடுத்து நிவாரணம் பெறலாம். வலி வந்ததும் இவற்றில் சிலவற்றைச் செய்து பார்க்கலாம்.
* கால்களை நீட்டி அழுத்தி நீவி விடுவது..
* சுடு நீரில் குளிப்பது அல்லது சுடுநீர் ஒத்தடம் தருவது.
* ஐஸ் ஒத்தடமும் தரலாம்.
* வலி குறைக்கும் மாத்திரைகள் உட்கொள்வது.
* நிறைய நீர் பருகுதல்.
* படுக்குமுன் காப்பி அல்லது மது அருந்துவது கூடாது.
* மல்லாக்கப் படுத்துத் தூங்கினால் கால் விரல்களை நேராக உயர்த்தி வைத்துக்கொள்ளவேண்டும்.
( முடிந்தது )
- பருவம்- என்னும் பொய்கைக்கரையில் எங்கள் பாவண்ணன்
- உலகின் தலை சிறந்த சில ஓரினப்படங்கள் 7– கரோல்
- ரிஷி(லதா ராமகிருஷ்ணன்)யின் கவிதைகள்
- முகங்கள் மறைந்த முகம்
- ‘பங்கயம்’ இட்லி!
- தொடுவானம் 223. இதையும் எதிர்கொள்வேன்
- படித்தோம் சொல்கின்றோம்: ஏ.கே. செட்டியார் (1911 – 1983) எழுதிய உலகம் சுற்றும் தமிழன்
- பீசா நகரில்
- பங்களா கோமானே !
- சூரியனை நெருங்கி ஆராயும் நாசா & ஈசா எதிர்கால விண்வெளி ஏவுகணைத் திட்டங்கள்
- உயர்த்தி
- டிரைவர் மகன்
- மருத்துவக் கட்டுரை – தசைப் பிடிப்பு
- மகிழ்ந்து விளையாடி ஆடிர் ஊசல்
- சூரியன் எரிவாயு தீர்ந்து மரித்தால் சுற்றும் கோள்களுக்கு என்ன நேரிடும் ?
