வால்ட் விட்மன் வசன கவிதை -10 என்னைப் பற்றிய பாடல் -3 (Song of Myself)

This entry is part 10 of 31 in the series 10 பெப்ருவரி 2013

 

Walt Whitman

(1819-1892)

(
புல்லின் இலைகள் -1)

மூலம் : வால்ட் விட்மன்

தமிழாக்கம் : சி, ஜெயபாரதன், கனடா

+++++++++++++++++++++++++++++

 

 

உடல் உறுப்பு ஆக்கிய கவிஞன் நான்

ஓர் ஆத்மீகக் கவிஞன் நான்

சொர்க்கபுரி இன்பங்கள் பெற்றவன் நான்

நரகத்தின் துயர்கள் உற்றவன் நான்

முன்னதை என்னுள் புகுத்தி நான்

உன்னத மாக்கிக் கொண்டது;

பின்னதைப் புது மொழியாக நான்

மொழி பெயர்த்தியது.

 

மாதரின் கவிஞன் நான், அதுபோல்

ஆடவருக்கும் கவிஞன்.

மாதராய்ப் பிறந்தது மகத்துவம் என்பேன்

ஆடவர் போல.

மானிடத் தாயை விட

பேறு பெற்றவர் வேறில்லை என்று

கூறுவேன் !

 

பரிவுடன் மலரும் இரவிலே நான்

திரியும் ஒரு மனிதன்;

கடலும், புவியும் தேவை எனக்கு;

இரண்டிலும் பாதி நேர ஆட்சி

இரவு புரியும் !

மார்பில்லாச் சூனிய இரவைக்

இறுகத் தழுவிக் கொள் !

காந்தக் கவர்ச்சி ஊட்டும் இரவைக்

கட்டித் தழுவிக் கொள் !

 

தென்திசைக் காற்றுகள் வீசும் இரவு

பெருவடிவ விண்மீன்கள்

சிலவற்றைப்

பெற்றுள்ளது இரவு !

நடுங்கும் இரவு மேலும் !

பித்துப் பிடித்துள்ளது !

உடுப்பில்லா அமணத்தில் இரவு !

 

சிரிப்பாய் புவியே ! காமக் களிப்பொடு

குளிர் மூச்சை உள்வாங்கி !

நீர் மய மரங்கள் தூங்கிடும்

பூமியே !

அத்தமன மாகிப் பிரிந்த பரிதியின்

அண்டப் புவியே !

பனி மூட்டம் உச்சியில் மூடிய

மலைகளின் பூமியே !

பூரண நிலவு நீல வானில்

பொங்கிடும் பளிங்குப் பூமியே !

ஒளிப்புள்ளி, கரும்புள்ளி பற்பல மின்னி

ஓடும் நதியின் புவியே !

தூயப் பழுப்பு முகில் பளிச்செனத்

தோரணமாய்த் தெரிகிறது

என் பொருட்டு !

 

நீள்கரம் திடீரென நீட்டும் பூமியே !

ஆப்பிள் செழித்துக் கொத்தாய்ப்

பூத்துக் குலுங்கும் பூமியே!

நீ சிரிப்பாய்

நின் காதலன் வருகிறான் !

ஊதாரிப் பையன் எனக்குக்

காதல் அளித்துள்ளாய் நீ !

ஆதலால் அளிப்பேன் நானுனக்கும்

காதல் ! அந்தோ

தாகமான மௌனக் காதல் !

+++++++++++++

தகவல்:

1. The Complete Poems of Walt Whitman , Notes By : Stephen Matterson [2006]

2. Penguin Classics : Walt Whitman Leaves of Grass Edited By : Malcolm Cowley [First 1855 Edition] [ 1986]

3. Britannica Concise Encyclopedia [2003]

4. Encyclopedia Britannica [1978]

5. http://en.wikipedia.org/wiki/Walt_Whitman [November 19, 2012]

6. http://jayabarathan.wordpress.com/abraham-lincoln/

[ஆப்ரஹாம் லிங்கன் நாடகம்]

********************

jayabarat@tnt21.com [S. Jayabarathan] (February 6, 2013)

http://jayabarathan.wordpress.com/

Series Navigationநிஜமான கனவுசுஜாதாவின் வெள்ளி விழா முன்னுரையும், சுப்ரபாரதிமணியனின் கொஞ்சம் கவிதைகளும்
jeyabharathan

சி. ஜெயபாரதன், கனடா

Similar Posts

Leave a Reply

Your email address will not be published. Required fields are marked *