சந்திரசோம

நீ காலமானதும்

பத்மினி அழவில்லை

வேறு பெண்களென்றால்

நிலத்து மண் தின்று

உளறி உளறி ஓலமிட்டு

ஒப்பாரி வைத்தழுது

துயருறும் விதம் நினைவிலெழ

பத்மினி உன்னை நேசிக்கவில்லையென

கவலை கொண்டாயோ சந்திரசோம

எனினும்

நீயறியாய் சந்திரசோம

மூன்று நான்கு மாத காலத்துக்குள்

பேச்சு வார்த்தை குறைந்து

நடக்கவும் முடியாமல் போய்

திடீரெனச் செத்துப் போனாள்

பத்மினி

– தக்ஷிலா ஸ்வர்ணமாலி

தமிழில் – எம்.ரிஷான் ஷெரீப்,

இலங்கை