மலர்மன்னனுடன் சில நாட்கள்

அன்பு சஹோதரி,

தங்களுடைய பல வ்யாசங்களையும் கருத்துக்களையும் வாசித்து வருகிறேன். என் கருத்துக்களை உடன் பகிர்ந்ததில்லை.
நான் எழுதுகையில் என் கலப்புமொழிநடையை பல அன்பர்கள் குறை கூறும்போதெல்லாம் என் மொழிநடையிலே தொடர்ந்து எழுத என்னை ஊக்குவித்தவர் ஸ்ரீ மலர் மன்னன் மஹாசயர். மூத்தோர் சொல் அமுதம் அல்லவா. அவர் சொற்படி நீங்கள் தொடர்ந்து எழுத எங்கள் பழனிப்பதிவாழ் பாலகுமாரனை இறைஞ்சுகிறேன்.

ஸ்ரீ மலர்மன்னன் மஹாசயர் என நான் அன்புடன் அழைக்கும் பெருந்தகை இன்று நம்மிடம் இல்லை. வாழ்வாங்கு வாழ்ந்தவர். காஷ்மீரம் சம்பந்தமாக எனக்கு ஒரு வ்யாசம் எழுத பணித்திருந்தார். பணியை முடித்து விட்டேன். நிறை குறைகளை பல அன்பர்கள் பகிர்வார்கள். எனதன்பார்ந்த ஸ்ரீ மலர்மன்னன் மஹாசயர் அவர்களின் பார்வையில் அது பட வேண்டும் என்பது என் பெரிய அவாவாக இருந்தது. அவருடைய எஜமானனாகிய கண்ணனின் விருப்பம் வேறு போலும்.

\ என் முருகனைப் பற்றி பேசினேன்.\

ஸ்ரீ மலர்மன்னன் மஹாசயர் அவர்களுடன் தமிழ் ஹிந்து தளத்தில் நான் உரையாடிப் பகிர்ந்த முக்யமான விஷயங்களில் அதிமுக்யம் கண்ணனைப் பற்றி மற்றும் அவன் மருகன் என் கந்தனைப் பற்றி.

உங்கள் பரிதவித்த மனதுக்கு ஆறுதல் என் மொழியில் இருப்பதை விட எங்கள் வள்ளல் அருணகிரிப்பெருமான் மொழிவழி இருப்பது உசிதம்.

விழிக்குத் துணை திருமென் மலர்ப் பாதங்கள்! மெய்ம்மை குன்றா
மொழிக்குத் துணை முருகா எனும் நாமங்கள்! முன்பு செய்த
பழிக்குத் துணை அவன் பன்னிரு தோளும்! பயந்த தனி
வழிக்குத் துணை வடி வேலும் செங்கோடன் மயூரமுமே! (கந்தர் அலங்காரம்)

தனித்துவழி நடக்குமென திடத்தும்ஒரு
வலத்தும் இருபுறத்தும் அருகடுத் திரவு பகற்றுணையதாகும் (வேல் வகுப்பு – வேல் மாறல் மஹாமந்த்ரம்)

யாம்
நினைத்தது மளிக்கும் மனத்தையு முருக்கும்
நிசிக்கருவறுக்கும் பிறவாமல்

நெருப்பையு மெரிக்கும் பொருப்பையு மிடிக்கும்
நிறைப்புகழுரைக்குஞ் செயல்தாராய் (திருத்தணித் திருப்புகழ்)

வேலும் மயிலும் சேவலும் துணை

அற்றைத் திங்கள் அன்றைய திண்ணையில் காந்திஜிக்கு
இறுதிப் பின்னூட்டம் தந்தார், எழுதி வந்தார்.
இற்றைத் திங்கள் இவ்வாரத் திண்ணையில் மன்னனுக்கு
இரங்கல் மொழிகள், மலரும் இல்லையே.

சி. ஜெயபாரதன்

என் அன்பு சீதாம்மா,

ஒரு நட்பு மலர்ந்தது. அதை அழகாக விவரித்தீர்கள். அந்த மலர் தெய்வத்தின் கழுத்தில் மாலையாகச் சென்றது.
அதையும் அழகாக எழுதி இருக்கிறீர்கள். சில சிநேகங்கள் கிடைத்த வேகத்தில் மறைந்து போகும் போது மனம்
தனிமையில் மௌனமாகிறது.

அவர் அந்தச் சொற்ப காலங்களில் தங்களுக்கு நிறைய கடிதங்கள் எழுதி இருப்பது…இனிமேல் நீங்கள் படிக்கும்
போது அவர் இல்லாத நினைவு கூட வராதிருக்க வேண்டும் என்று அவர் எண்ணியிருக்கலாம்.,

உயிர் நிலையில்லை என்பதை உணர்த்திவிட்டுச் சென்று விட்டார்.

உங்களுக்கு மன ஆறுதல் உண்டாகட்டும். உங்களது கட்டுரையில் சோகத்திலும் ஒரு மெசேஜ் இருந்தது கண்டு வியந்தேன்.

அவரது உன்னத ஆன்மா மீளாத உயர்நிலை பெறும் .

அன்புடன்
ஜெயா.

அவர்கள் வீட்டிற்கு மறுநாள் சென்றிருந்தேன். சமூக கருத்துக்களை தீப்பிழம்பாக எழுதியவர் இக்கட்டான சூழலில் உங்களுக்கு ஆறுதலாக இருந்தது நல்விஷயமே…