இரயில் எதற்கோ நிற்க
’இரயில் நின்ற இடமாகும்’
பெயர் தெரியாத ஒரு பொட்டல்வெளி.
இரயில் விரித்த புத்தகம் போல்
வெளியின்
இரு பக்கங்களிலும்
விரிந்து காணும் காட்சிகள்.
பாதி பிரபஞ்ச ஆரஞ்சுப் பழமாய்
ஆகாயம்
கவிழ்ந்து கிடக்கும்.
சடுதியில்
’மூடு வெயில்’ இறங்கி வந்து
கருவேல முள்ளில் கிழிபட்ட காயத்தில்
மறு கணத்தில் ’சுள்ளென்று’
உக்கிரம் கொள்ளும்.
கண்ணுக்கெட்டிய தொலைவில்
சின்னப் புள்ளிகள்
உயிர் கொண்டு நகர்வது போல்
சில ஆடுகள் மேயும்.
ஆட்டிடையன்
சூடிய தலைப்பாகைக்குள்
சூரியனைச்
சுருட்டி வைத்திருப்பான்.
வெளியின் காதைத் திருகிய
வெற்றிக் களிப்பில் சுற்றுவதாய்ப்
பறவைகள் திரியும் மேல்வானில்.
’பராக்கு’ பார்த்துக் கொண்டு
’சும்மா’
நீட்டிக் கிடக்கும் இரயில்
இன்னும்.
கிடந்து தவிக்கும் என் மனம்
எப்போது மீண்டும்
இரயில் புறப்படுமென்று.
கு.அழகர்சாமி
- படைப்பு
- மொழியின் அளவுகோல்
- தனலெட்சுமி பாஸ்கரன் கவிதைகள் – ஒரு பார்வை.
- புகழ் பெற்ற ஏழைகள் – 12
- கல்யாணியும் நிலாவும்
- மருத்துவக் கட்டுரை மதுவும் கணைய அழற்சியும்
- போதி மரம் பாகம் 2 – புத்தர் அத்தியாயம் 25
- நம்பிக்கை
- தாகூரின் கீதப் பாமாலை – 70 பிரிவுக்கு முன் செய்த முடிவுகள் .. !
- என்னைப் பற்றிய பாடல் – 23
- காரைக்குடி கம்பன் கழகம்
- மனதாலும் வாழலாம்
- கற்றுக்குட்டிக் கவிதைகள்
- லிங்கூ-வில் இயங்கும் காலமும் வெளியும் – கவிஞர் என்.லிங்குசாமி கவிதைகளை முன்வைத்து
- மாலு : சுப்ரபாரதிமணியனின் நாவல் – சமகால வாழ்வே சமகால இலக்கியம்
- ப.மதியழகன் கவிதைகள்
- பேராசிரியர் அர. வெங்கடாசலம் – திருக்குறள் புதிர்களும் தீர்வுகளும் -ஓர் உளவியல் பார்வை – வள்ளுவ ஆன்மீகம்
- கவிதைகள்
- பிரபஞ்சத்தின் மகத்தான அணுவியல் மர்மங்கள் : மூலக்கூறில் அணுக்களின் நர்த்தனம் .. !
- வேர் மறந்த தளிர்கள் – 8,9,10
- குருக்ஷேத்திரக் குடும்பங்கள் – 15
- உள்ளே ஒரு வெள்ளம்.
- ஆகஸ்ட்-15 நூலுக்கு மெய்யப்பன் அறக்கட்டளை விருது
- டௌரி தராத கௌரி கல்யாணம்…! – 8
- “செங்கடல்”
- இரயில் நின்ற இடம்
- என்ன ஆச்சு சுவாதிக்கு?
- நான் ஒரு பொதுமகன். And Im not a terrorist
- வேதாளத்தின் மாணாக்கன் (The Devil’s Disciple) அங்கம் -3 பாகம் -7
பாதி ஆரஞ்சுப்பழமாய் ஆகாயம், மூடுவயில் கருவேலமுள், தலைப்பாகைச் சூரியன், புள்ளி ஆடுகள். அழகிரிசாமியின் இரசிப்பிற்குரிய தனிப்பார்வைகள்.
நின்ற இரயில் எப்போது கிளம்பும் என்று மனது தவித்த போதும், மனம் சூழலில் பொதிந்திருந்த கவிதையைக் கொண்டு வரத் தவறவில்லை. இரயில் நின்றதுபோன்ற அசௌகர்யங்கள் அழகர்சாமி அவர்களுக்கு நேர்ந்தாலும், நமக்கு ரசிக்க நல்ல கவிதைகள் கிடைத்துவிடும்!