(Children of Adam)
குடிப்பிறப்புத் தருணங்கள்
(Native Moments)
(1819-1892)
மூலம் : வால்ட் விட்மன்
தமிழாக்கம் : சி, ஜெயபாரதன், கனடா
மோக வயப்பட்டுக் காதல் வலிச்
சோகத்தில்
மூழ்குபவன் நான் !
பூமி ஈர்ப்ப தில்லையா ?
அண்டங்கள் அனைத்தும்
ஏங்கிய வண்ணம், மற்ற வற்றைத்
தம்மை நோக்கி
இழுப்ப தில்லையா ?
அதுபோல்
என்னைச் சந்திப் போரும்
என்னை அறிந்திருப் போரும்
என்னுடல் வனப்பாலே
ஈர்க்கப் படுவார் !
குடிப்பிறப்புத் தருணங்கள் உண்டு
என்னைத் தேடி,
இங்கு நீ வரும் போது !
ஆஹா ! இப்போது
இங்கே நீ இருக்கிறாய் !
சிற்றின்பக் களிப்புகள் மட்டும் நீ
எனக்களிப்பாய் !
மோகத்தில் மூழ்கிட
எனக்கு மயக்க பானம் கொடுப்பாய் !
உன்னத முறையில்
கரடு முரடான வாழ்வை எனக்களிப்பாய் !
இன்று பகலில் நான்
இயற்கைக் கண்மணியின் கூட்டாளியாய்
செல்வேன்;
இன்றிரவிலும் அப்படித்தான் !
கட்டவிழ்த்த களியாட் டங்களில்
வட்டமிடும் நபரோடு
நட்புடை யவன் நான் !
நள்ளிரவில் வாலிபர் குழு புரியும்
பாலுறவில்
பங்கெடுப்பவன் நான் !
ஆடுவோருடன் நடனம்
ஆடுவேன் நான் !
குடிப்போருடன் சேர்ந்து
குடிப்பவன் நான் !
எங்கும் எதிரொலிக்கும்
எங்கள் அருவருப் பான விளிப்புகள் !
கீழான ஒருத்தியை
மேலான
என்னரும் தோழனுக்கு நான்
ஏற்பாடு செய்வேன் !
முரடன் அவன், சட்ட விரோதி,
படியாதவன் !
மற்றவர் தூற்றுவார் அவனை
செய்த தவறுக்கு !
இகழ்வ தில்லை நான் ஒருபோதும் !
ஏன் எனது தோழர்களை
எல்லாம்
இழக்க வேண்டும் நான் ?
நீங்கள்
வெறுத்துத் தள்ளும் நபரை
ஒதுக்குவ தில்லை நான்.
உங்கள் நடுவே
உலவி வருபவன் நான் !
உங்களது கவிஞனாய் இருப்பேன் !
மற்றவரை விட
முக்கிய மானவன் நான்
உங்களுக்கு !
+++++++++++++++++
தகவல்:
1. The Complete Poems of Walt Whitman , Notes By : Stephen Matterson [2006]
2. Penguin Classics : Walt Whitman Leaves of Grass Edited By : Malcolm Cowley [First 1855 Edition] [ 1986]
3. Britannica Concise Encyclopedia [2003]
4. Encyclopedia Britannica [1978]
5. http://en.wikipedia.
- ஜெயமோகனின் ‘களம்’ சிறுகதை பற்றிய விமர்சனம்
- புலம் பெயர் வாழ்க்கை
- நெய்தல்திணை மற்றும் நாட்டுப்புற பாடல்களில் மீனவத்தொழில்சார் நிலைகள்
- தொடுவானம் 3. விலகி ஓடிய வசந்தம்
- வால்ட் விட்மன் வசனக் கவிதை – 62 ஆதாமின் பிள்ளைகள் – 3
- தினம் என் பயணங்கள் – 5
- மயிரிழையில்…
- பேயுடன் பேச்சுவார்த்தை
- மருமகளின் மர்மம் – 16
- மருத்துவக் கட்டுரை – நடுச் செவி அழற்சி – ( Otitis Media )
- சீதாயணம் நாடகப் படக்கதை – 20
- பெரிதே உலகம்
- ஸ்ரீ கிருஷ்ண சரித்திரம் அத்தியாயம் 22 பிற்காலக் கவிஞர்களின் ஆக்கம் பற்றியப் புரிதல். மொழிபெயர்ப்பாளரின் விளக்கம்.
- நீங்காத நினைவுகள் – 34 ஈயமும் பித்தளையும்!
- பெண் எழுத்தாளர்களின் சிறந்த நூல்களுக்கு ரூ 50,000 பரிசு
- கீழ்வானம்
- புகழ் பெற்ற ஏழைகள் – 46
- திண்ணையின் இலக்கியத் தடம்-22
- பேராற்றல் மிக்க கூர் ஒளிக்கற்றை தூண்டி பேரளவு அணுப்பிணைவு சக்தி உற்பத்தி
- இயக்குனர் பாலு மகேந்திரா – நினைவுக் கூட்டம் நாள்: 23-02-2013, ஞாயிறு