மனஹரன்
வீட்டில்
இரண்டு வாரமாய்
ஓட்டடை அடிக்கவில்லை
வீட்டின்
பின் பகுதி
சுவரில்
சாய்த்திருந்த
ஒட்டடைக் கம்பில்
மெத்தை போலிருக்கும்
அதன் பஞ்சின் மேல்
புதிதாய்
ஒரு குருவிக்கூடு
வட்டமடித்துத் திரியும்
ஒரு ஜோடி குருவிகள்
கீச்சிட்டுப் பறந்து
வேலியில் அமரும்
மெல்ல எழும்பி
துணி கம்பியில்
கொஞ்ச நேரம்
உட்காரும்
ஒரு வாரத்தில்
முட்டை தெரிந்தது
வீட்டு வேலை
செய்ய
வந்த பெண்ணிடம்
இனி சொல்லும் வரை
ஒட்டடை அடிக்க
வேண்டாம் என்றாள்
மனைவி
மறு வாரத்தில்
மெலிசாய்
கீச்சிடும் சத்தம்
புழுக்களை அலகில்
ஏந்திய வண்ணம்
குருவிகள் பறந்தன
தாய்க்குருவியைக்
கண்டதும்
கீச்சிடும் சத்தம்
அதிகமாயின
ஒரு நாள் காலை
துணிக்கம்பியில்
புத்தம் புதிதாய்
குருவி குஞ்சுகள்
மூன்று
எங்கள் வருகைக்காய்
காத்திருந்தன
பல முறை கீச்சிட்டன
தாய் குருவி
பறந்து வந்ததும்
மெல்லப் பறந்தன.
இனி புதிதாய்
ஒரு ஓட்டடை கம்பு
வாங்க வேண்டும்
நாளை
இன்னொரு குருவி
கூடு கட்ட வரலாம்.
- கண்மறை துணி என்ற பிரதீபன் கவிதைத் தொகுதியை முன்னிட்டு
- சொல்வனம் இணையப் பத்திரிகையின் 268 ஆம் இதழ்
- இன்று…
- தலைப்பில்லாத கவிதைகள்
- பார்த்தாலே போதும்
- அறிஞர் அப்துற்-றஹீம் கூறும் எண்ணமும் வாழ்க்கையும்
- ’பாவண்ணனின் வழிகாட்டி ம.இலெ தங்கப்பா’
- கவிச்சூரியன் ஐக்கூ 2022
- இலக்கிய வெளியில் சர்ச்சையை கிளப்பிய குரு அரவிந்தனின் ‘சதிவிரதன்’
- நான் கூச்சக்காரன்
- வர்ண மகள் – நபகேசரா
- வடகிழக்கு இந்திய பயணமும் வடகிழக்கு இந்திய எழுத்தாளர்களின் சிறுகதைகளும்
- இன்னும் எவ்வளவோ
- ஒட்டடைக்குருவி
- பூமியின் சுற்றுப் பாதைப் பெயர்ச்சி, சுழலச்சுக் கோணத் திரிபு ஐந்தறிவு வானரத்தை ஆறறிவு மானுடனாய் வளர்ச்சி பெறச் சூழ்வெளி அமைக்கிறது.
- எமிலி டிக்கின்சன் கவிதைகள் – 31
- சொல்லவேண்டிய சில…..
- ‘ரிஷி’(லதா ராமகிருஷ்ணன்)யின் கவிதைகள்
- இசையோடு, காட்சியோடு பாடல் : ஆடும் அழகே அழகு
