ஷேக்ஸ்பியரின் ஒத்தல்லோ நாடகம் அங்கம் -1 காட்சி -2 பாகம் : 11

தமிழ்த் தழுவல் : சி. ஜெயபாரதன், கனடா

++++++++++++++++++++++++

அங்கம் -1 காட்சி -2 பாகம் : 11

++++++++++++++++

நாடக உறுப்பினர் : [பெயர்கள் மாற்றப் பட்டுள்ளன]

ஒத்தல்லோ : வெனிஸ் சாம்ராஜிய இராணுவ ஜெனரல் [கருந்தளபதி] [45 வயது]

மோனிகா : செனட்டர் சிசாரோவின் மகள். ஒத்தல்லோவின் மனைவி [25 வயது]

புருனோ : ஒத்தல்லோவின் இராணுவச் சேவகன் [30 வயது]

காஸ்ஸியோ : ஒத்தல்லோவின் புதிய லெஃப்டினென்ட். [30 வயது]

ஷைலக் : செல்வந்தச் சீமான் மகன் [வயது 25]

சிசாரோ : மோனிகாவின் தந்தை.வெனிஸ் செனட்டர் [60 வயது]

எமிலியோ : புருனோவின் மனைவி.

மான்டேனோ : சைப்பிரஸ் தீவின் கவர்னர்.

பயாங்கா : காஸ்ஸியோவின் கள்ளக் காதலி.

மற்றும் டியூக் ஆஃப் வெனிஸ், சாம்ராஜிய படைவீரர், இத்தாலியப் பொதுமக்கள்.

நிகழ்ச்சிகள் நடப்பது இத்தாலிய வெனிஸ் நகரம், மத்தியதரைக் கடல் & சைப்பிரஸ் தீவு

++++++++++++++++++

[முன் பக்கத் தொடர்ச்சி]

புருனோ: ஷைலக் ! நான் உன் நண்பன். நான் உன் ஆணைக்கு கட்டுப் பட்டவன். நம் உறவு உறுதியான கயிறால் கட்டப் பட்டுள்ளது. உனக்கு இப்போது நான் நினைவு படுத்துவது, மோனிகாவுக்கு விலை உயர்ந்த ஆபர்ணங்கள் நீ அளிக்க வேண்டும்.

அடிக்கடி அனுப்பு. அப்படித்தான் நீ அவளை உன் வசப்படுத்த முயல வேண்டும். உன் தோற்றத்தை கவர்ச்சியாக ஒப்பனை செய்து கொள். மூரினத்த கறுப்பன் ஒத்தல்லோ மீதுள்ள மோனிகாவின் மோகம் நீடிக்காது. ஆசை அறுபது நாள் ! மோகம் முப்பது நாள். ஒத்தல்லோ மோனிகா கண்முன் இல்லை. அவன் இருப்பது சைப்பிரஸ் மீளா போர்க்களம். அவள் இருப்பது அழகிய வெனிஸ் நகரம். நீ தனித்துள்ள மோனிகா மீது மன்மதக் கணைகளால் தாக்கு. அவளது அழகிய கழுத்தில் உன் வெகுமதி அணிகள் மின்ன வேண்டும். ஒத்தல்லோ மோனிகாவின் திடீர் காதலன் ! அது போல் அவளிடம் திடீர் முறிவும் ஏற்படும் ! மூர் இனத்தவன் சைப்பிரஸ் அழகிய மாதர் வலையில் வழுக்கி விழுவான். மோனிகா இளம் மாது. தனியாக என் இல்லத்தில் தான் இருக்கிறாள். என் மனைவின் பாதுகாப்பில் விடப் பட்டுள்ளாள். நீ முயன்றால் அவளை உன் காதல் வலையில் பற்றிக் கொள்ளலாம். பை நிறைய பணம் வைத்துக் கொள். விலை உயர்ந்த ஆடைகளை அணிந்து கொள். வாசனை திரவம் ஆடையில் வீசிக் கொள். அடிக்கடி அவள் கண்முன் நீ தென்படு. உன் ஆழ்ந்த காதலை கடிதங்கள் மூலம் அறிவிப்பாய். ஒத்தல்லோ காதல் உன் காதலுக்குப் பிந்தியது என்று எடுத்துக் காட்டு. மூர் இனத்தன் பாலை வனத்தன். நீ வெனிஸ் செல்வீகன், நாகரீகன் என்று உன் காதல் கடிதத்தில் எழுது. அவளைக் கவர்ந்து அவளுக்கு உடற்சுவை அளி. அது உனக்கும் இன்பம் தரும். பேரழகி மோனிகாவைத் தொடாமல், நீரில் நீ மூழ்கிச் சாவதைக் காட்டிலும், அவளுக்கு உடற்சுகம் கொடுத்து நீ சிறைக்குச் செல்வது மேலானது.

ஷைலக்: நான் மோனிகாவை அடைய நீ எனக்கு வழிமுறைகள் சொல்லிக் கொடு. என்னிடம் பணம் நிறைய இருக்குது. முன்பணம் தருகிறேன் உனக்கு.

புருனோ: என்னை நீ நம்பலாம். உனக்கு மோனிகா மீது விருப்பு. எனக்கு ஒத்தல்லோ மீது வெறுப்பு. அவன் மிக வஞ்சகன். பதவி அளிப்பில் எனக்கு அநீதி இழைத்துள்ளான். எனக்குத் தர வேண்டிய உயர்பதவியை தனக்குப் பிடித்த கீழினத்துவன் ஒருவனுக்கு தந்து விட்டான். அவன் மீது எனக்கு அடங்கா வெறுப்பு உள்ளது. நாம் இருவரும் இணைந்து வஞ்சகன் ஒத்தல்லோவைப் பழிவாங்கு வோம். அவன் மனைவியை மயக்கி நீ உடலுறவு கொண்டு இன்புற்றால் எனக்கு அது பெருமகிழ்ச்சி அளிக்கும். காலம் கர்ப்பம் அடையும் பற்பல துன்பங்கள் பெற்று. நான் போக வேண்டும், நாளை தொடர்வோம் என் இல்லத்தில் போய்வா. நீரில் மூழ்கிச் சாவதை மறந்திடு. நிறைய பணம் அதற்குச் செலவாகும்.

ஷைலக்: என் மனம் மாறி விட்டது புருனோ. தேவைப் பட்டால் என் மாளிகை வீட்டை விற்றுப் பணம் திரட்டுவேன். மோனிகா என் இல்லத்தரசி. அதுவே என் திட்டம். போய் வருகிறேன்.

முற்றும் அங்கம் : 1 காட்சி : 2 பாகம் 11

[தொடரும்]