சுயநலம்

ஆர் வத்ஸலா

உன் சோகங்களை பகிர்ந்து கொள்ள 

ஒரு நல்ல தோழியாக என்னை‌ தேர்ந்தெடுத்தாய் 

நீ

உன்னுடைய ஒவ்வொரு சோகத்திலும் 

அமிழ்ந்தெழுந்து ஆறுதல் அளித்தேன்

உனக்கு

நான்  

வெகு காலத்திற்கு பிறகு தான் தெரிந்தது –

அன்பில் தோய்ந்த

எனது அனுதாபம்

உனக்கு அமிர்தமாய் இனிக்க

உனது மகிழ்ச்சித் தருணங்களை

என்னிடமிருந்து ஒளித்து வைத்திருந்தாய் 

நீயென

அன்றறுந்தது வேரோடு

எனது பாசம்