தமிழின் முதல் இணைய வாரப்பத்திரிகை

23 ஜூன் 2019

குற்றமுள்ள குக்கீகள் (cookies)

சின்னப்பயல்

Spread the love

உனது செல்பேசியைக்
கொந்த முயன்றதில்
எனது சில நழுவிய அழைப்புகளும்
கூந்தல் பராமரிப்பிற்கான
குறுஞ்செய்திகளும்
மட்டுமே கிடைத்தன

உனது மின்னஞ்சலை
புகுந்து படித்ததில்
சில எரிதமும்,
எண்ணவே இயலாத
அளவு பணப்பரிசு
அஞ்சல்களும்
மட்டுமே கிடைத்தன

உனது இணைய
அரட்டைகளை
இடைமறித்து
வாசித்துப்பார்த்ததில்
கட்டுப்பட்டித்தன யுவதியின்
சொல்லாடல்கள்
மட்டுமே கிடைத்தன

உனது சமூக
வலைத்தளங்களின்
பகிர்வுகளில்
எந்த சுவாரசியமுமற்ற
பொதுவான விஷயங்கள்
மட்டுமே கிடைத்தன

எனக்குள்
அழிக்க இயலாத
குற்றமுள்ள
குக்கீகளாய் (cookies)
இவையனைத்தும்
மண்டிக்கிடக்கின்றன
எப்போதும்.

– சின்னப்பயல் ( chinnnappayal@gmail.com )

Series Navigationசின்னஞ்சிறிய இலைகள்..10 Day Solo Art Exhibition at Vinnyasa Premier Art Gallery, Chennai on September 1, 2011

2 Comments for “குற்றமுள்ள குக்கீகள் (cookies)”


Leave a Comment

Archives