தமிழின் முதல் இணைய வாரப்பத்திரிகை

14 ஜூலை 2019

அருங் காட்சியகத்தில்

Spread the love

கு.அழகர்சாமி

எதனின் நீந்த மறந்திருந்த-

அதனின் நட்சத்திர மீன்

நீந்த

ஆரம்பிக்க-

எதனின் இறந்து உலர்ந்திருந்த-

அதனின் கடற் குதிரை

மிதந்து மேல்

தலை நீட்ட-

எதனின் உதிர்ந்த

பல்லோ-

அதனின்  குதிரை

கனைத்துக் கிளம்ப-

எதனின் கயிறு கட்டிப் போட்ட-

அதனின் படகு

கயிறறுத்து

கடலில்

பயணிக்கத் தொடங்க-

அதில்

கிடந்த எதனின் முதுகெலும்போ- அதனின்

டால்ஃபின்

கடலில்

துள்ளிக் குதிக்க-

வேடிக்கை பார்க்கும் எதனின்

நான்-

அதனின் குரங்கை

விநோதாமாய்த்

தேட-

எதனின் மறைகின்ற இன்றைய சூரியன் –

அதனின் ஆயிரமாயிர ஆண்டுகள் முன் புரண்ட

அலைகளின் கடலின் சூரியன்

மறையாமல்

ஒளிர-

ஒளிர்ந்தது

காணாமல் போன ஒரு

உலகம்.

கு.அழகர்சாமி (galagarsamy@yahoo.co)

Series Navigationகனடாவைப் பற்றி எனது தமிழ்ப் பாடல்கள்மொழிப்போர்

Leave a Comment

Archives