கலில் கிப்ரான் கவிதைகள் (1883-1931) மனிதரின் மந்திரி (A Councellor of Men) (கவிதை -48 பாகம் -3)

This entry is part 28 of 54 in the series 4 செப்டம்பர் 2011
மூலம் : ஓவியக்கவி கலில் கிப்ரான்
தமிழாக்கம் : சி. ஜெயபாரதன், கனடா

“நினைவில் வைத்துக் கொள் இதை :
ஆன்மீகச் சிந்தனை மனிதனின்
இயல்பான சுய நினைப்பு ! தங்கக் கட்டிக்கு அதை விற்று விட முடியாது. இன்றைய உலகத்தின் மற்ற செல்வத்தைப் போல் அதைச் சேர்த்துக் குவிக்க இயலாது. செல்வந்தர் தமது ஆன்மீக உணர்வை உதறித் தள்ளி விட்டுத் தமது தங்கக் கட்டிகளை அணைத்துக் கொள்கிறார். அதே சமயத்தில் இளைஞரோ தமது ஆன்மீகச் சிந்தனையைப் புறக்கணித்துச் சுயநலமிகளாய்ச் சிற்றின்பத்தை தேடித் திரிகிறார்.”

கலில் கிப்ரான் (அன்பு மயமும் சமத்துவமும்)

என் ஆத்மா
எனக்கு உபதே சிக்கும் :
நாக்கும் உதடுகளும்
குரல்வளை நாண்களும்
உரைக் காத
குரல்களுக்குச் செவி சாய்க்கச்
சொல்லிக் கொடுக்கும் !
என் ஆத்மா
உபதே சிக்கும் முன்பு
குழப்ப மான கூக்குரல்
ஒப்பாரி மட்டும் கேட்டேன்
இப்போது
மௌன யுகத்தின்
கூட்டிசைப் பாக்களைக்
கேட்கிறேன் !
புலப்படாப் புதிர்களின்
கீதங்களைக் கேட்கிறேன் !

+++++++++++

என் ஆத்மா போதிக்கும் :
கிண்ணத்தி லிருந்து
ஊற்ற இயலாத மதுவையும்
அழுத்தம் பெறாத
ஒயினையும் குடிக்க
எனக்கு அறிவுரை புகட்டும் !
என் ஆத்மா
உபதே சிக்கும் முன்பு
என் தாகம்
சாம்பல் குவியலில்
ஒளிந்தி ருக்கும் தீப்பொறி
போல் இருந்தது !
ஒரு வாய் நீரில் அணைத்தால்
ஓய்ந்து போகும்
மறைந்த தீப்பொறி போல்
இருந்தது !

+++++++++++

இப்போது என்னிச்சையே
எனது மதுக் கிண்ணம் !
என் பரிவு இதயமே
எனக்கு ஒயின் மது !
என் தனிமைத் துயரே
எனக்குப் போதை தருவது !
எனினும்
இந்த தீராத தாகத்தில்
நித்திய
இன்பம் உள்ளது !
என் ஆத்மா
எனக்கு உபதே சிக்கும் :
மனிதப் பிறவி அல்லாத
மற்ற உயிர்களைத்
தொடு என்று !
நாம் தொடுவ தெல்லாம்
நம் இச்சையின்
ஓர் பாகம் என்று
ஓதிடும் என் ஆத்மா !

(தொடரும்)
+++++++++++++

தகவல் :

1. The Prophet By : Kahlil Gibran, Published By : Senate (2003)

2. The Prophet By : Kahlil Gibran Published, By Wordsworth Editions Ltd. (1996)

3. Tears & Lauhgter By : Kahlil Gibran, Published, By : Castle Books (1993)

4. The Voice of The Master By : Kahlil Gibran Translated from Arabic By : Anthony Ferris (1967)

5. Thoughts & Meditations By : Kahlil Gibran Translated from Arabic By : Anthony Ferris (1968)

For further information:
The Prophet By Kahlil Gibran :

http://www.katsandogz.com/gibran.html
http://en.wikipedia.org/wiki/Khalil_Gibran

http://www.inner-growth.info/khalil_gibran_prophet/main.htm

Kahlil Gibran Art Gallery :
http://www.inner-growth.info/khalil_gibran_prophet/html/galleries/gibran_gallery1.htm

*********************
S. Jayabarathan [jayabarat@tnt21.com] (August 31, 2011)

Series Navigationபுவிமையச் சுழல்வீதியில் சுற்றிக் கருந்துளை ஆராயும் ரஷ்ய வானலை விண்ணோக்கி (Russian Satellite in Geocentric Orbit to Probe Black Holes )அண்ணாமலைப் பல்கலைக் கழகம் வெளியிட்டுள்ள கம்பராமாயண உரைகள் பற்றிய அறிமுகம்
jeyabharathan

சி. ஜெயபாரதன், கனடா

Similar Posts

Leave a Reply

Your email address will not be published. Required fields are marked *