ஆயிரமாயிரம்
கரிய இழைகளான
கருப்புப் போர்வை
நொடிகள் நிமிடங்களாக
நிமிடங்கள் மணிகளாக நீளும்
காலதேவனின்
வினோத சாலை
இறந்தகால நினைவுகள்
பின்னிப் பின்னி மறையும்
பிரம்மாண்டமான கரும்பலகை
உப்பைத் தின்னும் கஷ்டத்தை
உணர்த்தி ஓடுகின்றன
ஒவ்வொரு கணமும் …
பசியைத் தலையில் தட்டித்
தூங்க வைப்பது எளிதா ?
தூக்கத்தை யாசிக்கும்
ஏழை மனத்தின்
ஏக்க வினாக்கள்
பதிலளிக்கப்படுவதில்லை
தூங்காத இரவில் …
…
