கருப்புக் கூட்டில் இருட்டில் கிடக்கிறது அத்தாவின் மூக்குக்கண்ணாடி   அவர் சுவாசத்தைத் தொலைத்தது காற்று   அத்தா மேசையில் புத்தகத்துக்குள் மல்லாந்து கிடக்கும் மூச்சடங்கிய கடிகாரம் பக்க அடையாளமோ?   பக்கம் 73 கடைசிச் சொற்கள் ‘போய் வரவா?’   கிழிக்க வேண்டிய தாளுடன் அத்தாவின் நாட்காட்டி அதில் அத்தாவின் எழுத்து ‘பாட்டரி மாத்தணும்’   அத்தாவைத் தொட்டுத் தொட்டு வாழ்ந்த கைத்துண்டு, சாவிக் கொத்து கைபனியன், சட்டை சோப்பு, சீப்பு, […]

  மறுபடியும் எனக்கு பெயர் சூட்டுவிழா ‘அப்பா’ என்று நீ வைத்த பெயரை தைத்துக் கொண்டேன்   என் கன்ன மரு உன் கன்னத்தில்   மயில்குஞ்சாய் என் தோள் முழுதும் நீ   சிநேகித்தன சிட்டுக் குருவிகள்   உன் பிஞ்சு நடை புற்களுக்கு ஒத்தடமிட்டன பனித்துளிகள் பாதம் கழுவின   நீ எழுதிய ‘அஆ’ பூக்கள் தூவின தமிழுக்கு   இரவுகளில் நீ படுக்கை நனைப்பது எனக்கு பன்னீர் ஆனது   என் பெயர் […]

  எந்தையும் தாயுமென்று தந்தையை முன் வைத்தான் சங்கப் புலவன்   கருவுக்குத் தந்தை காரணமானதால் கடைசி மூச்சிலும் காவலன் ஆனான்   மனைவி மக்கள் இளம் சூட்டில் இதமாய்க் குளிக்க இவன் வியர்வையில் குளிப்பான்   உயர்வுகள் பகிர்வான் குடும்பம் உழல்வது சகியான்   எண்ணெய்க்கும் நெருப்புக்கு மிடையே திரியாய் எரிவான்   விழிக்கும் ஒளிக்கு மிடையே இமையாய்க் கிடப்பான்   வில்லுக்கும் அம்புக்கு மிடையே விசையாய் இருப்பான்   மூழ்கியே செத்தாலும் குடும்பம் மூழ்காமல் […]

ஒரு துளி உன்னிடத்தில்தான் நீர்வீழ்ச்சி ஆகிறது   விதை தந்த மறுநொடி கனிகள் தருகிறாய்   ஒரே பொருளுக்கு இத்தனை சொற்களா? தமிழ் திகைக்கிறது   ஒற்றை வரியில் படத்தின் மொத்தக் கதை சாத்தியமாக்கியவன் நீ   தமிழ்க் கடலில் வலைகளின்றி விலாங்குகள் உன்னால் முடிந்தது   உன் வானில் மட்டுமே எப்போதும் வானவில்   வண்ணத்துப் பூச்சிகளுக்கு வயிறுமுட்டத் தேன் உன் தோட்டத்தில் மட்டுமே   உன் மயக்க மாயைகள் மானுடக் காவியங்கள்   உன் […]

    கொரொனாவோடு கூட இருந்தேனாம் இரண்டு வாரம் தனிமை   அர்த்தம் தொலைத்த சொற்களில் இப்போது ‘தனிமை’   உறவுகள் நட்புகளோடு கூகுலாரும் சட்டைப் பையில் இது எப்படி ‘தனிமை’   கோழிக்குஞ்சுகளை பஞ்சாரத்தில் அடைப்பது பருந்திடமிருந்து காக்கத்தானே   பதினான்கு நாட்கள் ‘தனிஅறையில்’   நூலகம், மயானம் இந்த மௌனம் வந்த வகை   ஓட்டுநரல்ல நான் பயணி மட்டுமே   தேர்வு எழுதாமலேயே தேர்வுமுடிவு எதிர்பார்த்தபடி   செக்குமாடு அவஸ்தை   தொலைந்தன […]

    கட்டிப்பிடித்திருந்த ஆசைகள் காணவில்லை நம்பிக் கைகள் தட்டிக் கொடுக்கிறது   ‘அடுத்து என்ன’ கேள்வி துரத்துகிறது   அறியமுடியாததை அலசத் தெரியவில்லை அறிந்த்தை அலசுகிறேன்.   நியாயமான வாழ்க்கை விரக்தி வியர்வையாகக் கூட வெளிப்படவில்லை   எத்தனை சந்தோசங்களைத் தின்றிருக்கிறேன் அதற்கு கண்ணீரா விலை? அழுவது மறந்தேன்   என்னிலிருந்து கன்றுகள் இப்போது என் கன்றுகளுக்குக் கன்றுகள் கர்வத்துடன் சாய்கிறேன்.   என் கதையைப் பதிவு செய்துவிட்டேன் பொய்சாட்சி வேகாது எடைக்குப் போட்டாலும் எங்காவது […]

      நாற்பதாண்டுக்கு முன் நடந்த ஒரு நிகழ்வு நெஞ்சைவிட்டு நகரமறுக்கும் நிகழ்வு   சுவர் ஒன்றெழுப்ப வானம் வெட்டி ஆறப்போட்டேன் வாடிக்கை நாயொன்று வானத்தில்  இறங்கி குட்டிகளை ஈன்றது   அன்று இரவு இடியோடு அடமழை இடிந்து விழுந்த மண் வானத்தை மூடியது   அம்மவோ! அந்தக் குட்டிகள் தாயோடு சேர்ந்து புதைந்திருக்குமோ? நினைக்கும்போதே என் படுக்கை பற்றி எரிகிறது   பொழுது விடிந்தது கொல்லைப்புறக் கொட்டகையில் அந்த நாயின் குடும்பம்…… குட்டிகள் மடிசப்ப […]

    பரதேசிகள் பயப்படுவதில்லை மடியில் கனமில்லை   அந்த மலரை இழப்போமோ செடிக்கு பயம் உதிக்கும் இன்னொன்றென்று ஏன் புரியவில்லை ?   வலக்கை இடக்கைக்குப் பயந்தால் வணங்குவது எப்படி   பட்டுப்புழுவென்றால் பயம் பட்டுச்சேலை பிடிக்குமாம்   ஆயுதபாணிகள் பயப்பட்ட்டும் நாம் நிராயுதபாணிகள்   நெருக்கடிகள் பல வாழ்வில் செருப்புக்கடிக்கு பயப்படலாமா?   முள்ளுக்குப் பயந்தே அவள் ரோஜா பறிப்பதில்லையாம்   அம்மாவுக்கு கரப்பான் பயம் கரப்பானுக்கு அம்மா பயம்   மின்னலுக்கு பயந்துதான் […]

  அமீதாம்மாள்   மருத்துவ உலகின் மாமன்னன் அவர் ஆராய்ச்சிக்காகவே ஆயுளைத் தந்தவர் உலகெங்கும் வாழ்ந்தாலும் ஜெர்மனியில் வசிக்கிறார் அங்குதான் வசிக்கிறார் என்னுடைய மகளும்            எனக்கும் ஒரு முடக்கு நோய்   ஊடு கதிர் ஊடாக் கதிர் ஒளிக்கதிர் ஒலிக்கதிர் ஆய்வுக் கணைகள் அக்னிப் பிரவேசங்கள் என்று ஏராள சோதனைகள்-ஆனாலும் நோய் நோயாகவே   அத்தனை ஆய்வையும் மகளுக்கு அனுப்பினேன் அந்த மருத்துவரிடம் காட்ட   ஆறேழு நாட்கள் அத்தனையும் ஆராய்ந்தார் நோயின் ஆணிவேரை […]

அமீதாம்மாள் சிறகு சிறை இரண்டுமே  இதுதானாம் துளிர்களே இங்கு வேர்களாம் வியர்வையே இங்கு ‘கொடை’ களாம் செலவுகளே இங்கு வரவுகளாம் கண்ணீரே இங்கு உறவுகளாம் தலைமுறைப் பாலங்கள் இங்குதானாம் கோடையோடு வசந்தமும் இங்குதானாம் நடவும் அறுவடையும் இங்குதானாம் பூட்டும் சாவியும் இடம் மாற்றிக் கொள்வது இங்குதானாம் அறுசுவையும் இங்குதானாம் நவரசமும் இங்குதானாம் வெற்றிலை பாக்கு சுண்ணாம்பு சிவப்பு தத்துவமாவது இங்குதானாம் விளக்கு எண்ணெய் திரி பொறி விளக்கமாவது இங்குதானாம் மன்னிப்பேகூட தண்டனையாவது இங்குதானாம் நீ உண்ண நான் […]