’ரிஷி’ (லதா ராமகிருஷ்ணன்) அதிகாரபூர்வமான அதிகாரமுள்ளவர்களின் அதிகாரக்குரலை எதிர்த்தெழும் அதிகாரபூர்வமான அதிகாரமற்றவர்களின் அதிகாரக்குரலும் அதேயளவு அதிகாரமாய் அதி காரமாய் அதி (வி)காரமா யொலித்து விதிர்த்துப்போகச் செய்கிறது. கருத்துச்சுதந்திரத்திற்குக் குரல்கொடுத்துக்கொண்டே குரல்வளை நெரிக்கக் கையுயர்த்தும் குரல்களின் நிலவறைகளில் நிரம்பிவழிகின்றன கூராயுதங்களாய் வன்மம் நிறைந்த வக்கிரம் பிடித்த வார்த்தைகள். என்றும் விநியோகமும் விற்பனையும் ஏறுமுகமாகவே. நியாயத்தராசுகளின் மொத்த விற்பனையாளர்களாய் தம்மை நியமித்துக்கொண்டிருப்பவர்களும் மறவாமல் எடைக்கற்களின் அடியில் ஒட்டிவைக்கிறார்கள் சிறியதும் பெரியதுமான புளிமொந்தைகளை. துலாக்கோலைப் பிறரறியாமல் ஒரு பக்கமாய் […]
