சுமை துணை

This entry is part 1 of 23 in the series 29 ஜூன் 2014

தொப்பி
தண்ணீர் போத்தல்
சிறிய கைப்பை
துணிப்பை
மொபைல் சார்ஜர்
அடங்கிய தோள் சுமை
வசவுக்கு ஏதுவாகும்
நகரப் பேருந்தில்

இரவுக்கு
சுமையை
முடிவு செய்யும்
உரிமை உண்டு
தாறுமாறாகக்
கனவுகளைக்
கிழித்து வீசும்

பயணங்களினுள்
எந்தக் கண்ணி
தனது
என்று இனம் காண
எந்தப் பயணிக்கும்
ஒழியவில்லை

துணை சுமை
இடம் மாறும் போது
எழுத்து
இலக்கியமாகும்

அவள் முதுகுச்சுமை
காட்டும்
வண்ணங்கள்
எனக்கு
அன்னியமானவை
உள்ளிருப்பவையும் தான்

Series Navigation

1 Comment

  1. Avatar David

    சுமை அற்புதம். பலவிதமான சுமைகளில் இதுவும் ஒன்று.

Leave a Reply

Your email address will not be published. Required fields are marked *