சோம. அழகு உதுவே உவளது பெயராக இருந்துவிட்டுப் போகட்டுமே! நீங்களும் நானும் நிச்சயம் உவளைப் பார்த்திருப்போம். தற்காலத்தில், பெரும்பான்மைச் சமூகத்தால் ஜீரணிக்க இயலாத முற்போக்குத்தனங்களைச் சுமந்து கொண்டு தனது கொள்கைகளையும் விட முடியாமல் சுற்றத்தின் பித்துக்குளித்தனங்களைச் சகிக்கவும் முடியாமல் மூச்சுத்திணறலுடனேயே உங்களை அநாசயமாகக் கடந்திருப்பாள் உவள். உவளின் இயல்பு அவ்வப்போது உவளையும் மீறிக் கொண்டு கேள்விகளாய் கருத்தாக்கங்களாய்த் தெறித்து விழுந்தன. பெரும்பாலும் தன்கணத்தார் அல்லாதாரால் சூழப்பட்டதில் அனைத்தும் ‘அங்கணத்துள் உக்க அமிழ்தற்றால்’ ஆகிப் போயின. […]
