அகன்ற இடைவெளி !

Spread the love

ஸ்ரீரங்கம் சௌரிராஜன்

அவள் மிக அழகான பெண்
அவன் மிக அழகான ஆண்
இருவருக்கும் திருமணம் முடிந்தது

நாட்கள் செல்லச் செல்ல
ஒருவரின் கரும் பகுதியை
மற்றொருவர் புரிந்துகொண்டனர்

அவள் சுதந்திரம் கண்டு
அவன் கோபப்பட்டான்
அவன் அறியாமை கண்டு
அவள் எரிச்சல் அடைந்தாள்

வாழ்க்கை
இடைவெளியின் பரப்பளவு
அசாதாரண நீள அகலங்களால்
மௌனத்தை நிரப்பிக்கொண்டிருக்கிறது!

மனம் ஒன்றுபடாமல்
அவர்களின் அழகு வெளியே
பரிதாபமாக நின்றுகொண்டிருக்கிறது

வாழ்க்கை விசித்திரங்களில்
நாம் ஓரிடத்தில் நிற்கிறோம்
அந்த இடம் அவ்வப்போது
வெப்பமாகிக்கொண்டே இருக்கிறது !

Series Navigationபாவண்ணனின் கவிதைகளில் ஒரு பயணம்.மாலே மணிவண்ணா