இன்னொரு பெரியார் பிறக்க வேண்டுமா?

Spread the love

மணிகண்டன் ராஜேந்திரன்

இன்று நாம் விவாதிருக்க வேண்டிய களம் வேறு..ஆனால் வேறொன்றை பற்றி ஆழமாகவும் தீவிரமாகவும் விவாதித்து கொண்டிருக்கிறோம்.. நேற்று புதிய தலைமுறை தொலைக்காட்சி மதுரையில் 463 இடங்களில் “இரட்டை குவளை” நடைமுறையில் இருப்பதாக செய்தி வெளியிட்டது..

பிராமணர்களையும் பிராமினியத்தையும் எதிர்த்து இங்கே தான் முதலில் பிராமணர்கள் அல்லாதோர் இயக்கம் தொடங்கப்பட்டது..பின்பு இது நீதிக்கட்சியாக பரிணமித்து பிறகு அய்யா பெரியார் தலைமையில் திராவிடர் இயக்கமாக வீறுகொண்டெழுந்தது..மற்ற மாநிலத்தவர்கள் இப்படி எல்லாம் யோசிப்பதற்கு முன்பே சாதிஒழிப்பில் நாம் வெகுதூரம் பயணித்திருந்தோம்..

நாமெல்லாம் இது பெரியார் மண்ணென்று மார்தட்டிக்கொள்ளும் இதேமண்ணில்தான் இன்று சாதி ஆணவப்படுகொலைகளும் தீண்டாமைகளும் இன்றும் கடைபிடிக்கப்படுகிறது என்பது வேதனையின் உச்சம்..

நமக்கே கூட சாதி ஒழிப்பையோ அல்லது தீண்டாமையை பற்றியே பேசுவதற்கு இன்று சலிப்பு தட்டிவிட்டதாக தோன்றுகியது..அதன் வெளிப்பாடுதான் நாம் இரட்டைக்குவளையை பற்றி பேசாமல் எஸ்.வி.சேகரின் கேள்விகளுக்கு பதில் சொல்லிக்கொண்டிருக்கிறோம்.. எழுத்தாளர்கள் கூட இரட்டை குவளையை பற்றி பேசாமல்
எஸ்.வி.சேகரை பற்றி தீவிரமாக எழுதிக்கொண்டிருக்கிறார்கள்..

ஏனென்றால் இங்கு யாரும் திராவிட இயக்கங்களின் சரிவை பற்றியோ திராவிட கட்சிகள் விழுந்த குறிப்பிட்ட பிரச்சனைகளை பற்றியோ யாரும் பேச முன்வருவது இல்லை..மாறாக எல்லோரும் திராவிட கட்சிகளின் வளர்ச்சியை மட்டுமே பேசவிரும்புகிறார்கள்..

ஏனென்றால் திராவிட கட்சிகளை பற்றி பேசத்தொடங்கினாள்.. எம்ஜிஆர், கலைஞரை பற்றி பேச வேண்டும்..பிறகு ஜெயலலிதா ஸ்டாலினை பற்றி விவாதிக்க வேண்டும்..50 ஆண்டுகால திராவிட ஆட்சியின் லாப -நஷ்டங்களை பற்றி விவாதிக்க வேண்டி இருக்கும்..இங்கு கட்டி எழுப்பப்பட்டிருக்கும் சிலரின் புனித பிம்பங்கள் நொறுங்குவதை நம்முடைய கண்களாலே காணவேண்டிய சூழல் ஏற்படும்..அதை யாரும் விரும்புவதில்லை..அதிலிருந்து லாபகமாக தப்பித்து கொள்வதையே நாம் விரும்புகிறோம்..
அதையும் மீறி விவாதித்தால் சிலர் மற்ற மாநிலத்தவர்கள் இன்னும் பெயருக்கு பின்னால் சாதிப்பெயரை போட்டுகொண்டு திரிகிறார்கள்.. ஆனால் நாம் அப்படி இல்லையே எப்போதே அதிலிருந்து விடுபட்டுவிட்டோம் என்பார்கள். அவர்களின் கூற்று உண்மைதான்..

ஆனால் பெயருக்கு பின்னால் சாதி பெயரை போட்டுக்கொள்ளாமல் இருப்பதைவிட சகமனிதனை தீண்டாமையின் பெயரால் ஒதுக்கிவைக்காமல் இருப்பதே உண்மையான சமூக விடுதலை என்பதை சொல்லி புரியவைப்பதற்கு இன்னொரு பெரியார் இந்த மண்ணில் பிறக்க வேண்டும் போல..

அன்புடன்
meera.mani25@gmail.com

Series Navigationஹாங்காங் தமிழ் மலரின் ஜூன் 2017தி கான்ட்ராக்ட்