கவிதை

Spread the love

கோசின்ரா

 

என்னை துரத்திக்கொண்டிருக்கும்

ரகசியங்கள் தின்று வளர்ந்த

பூர்வீக பற்கள்

பசியோடு காத்திருக்கின்றன

ஆதிகாலத்திலிருந்து

இரை போட்டு வளர்த்தவள் நீதான்

பசித்த அதன் குரலில்

ஒளிந்திருக்கும் பாம்புகள் வெளியேறி வருகின்றன

என் நாட்களைக் விழுங்கி பசியாறுகின்றன

நெடு நாட்கள் தப்பிக்க இயலாது

உன் வாசம் வீசும் ஒரு ரகசியத்தை வீசியெறி

உடலின் முடிச்சுகளை அவிழ்த்துவிடு

உன் சுவாசம் பதுங்கும்

பின்புறக்கதவுகள் திறந்தே இருக்கிறது

நீலம் பாரிக்கும் மெல்லிய ராத்திரியில்

ஆசை பிரசவித்த பெருமூச்சு

உன் வாசலைத் தேடி

ரகசியத்தின் கடவுச் சொல்லை

என் உடலிலிருந்து எடுத்துக்கொண்டு

ஆளப்பறக்கும் அந்த மூச்சை

பெருகுகை வாயால் விழுங்கி

விருட்சங்களாய் விரிந்திருக்கும்

ராத்திரியை வீட்டுக்கு அனுப்பு

புதர்களில் பூத்திருக்கும்

ரகசியங்கள் தின்று களி நடனமாகட்டும்

எனக்குள் ஒளிந்திருக்கும் பசிமனிதன்.

Series Navigationநீர்நிலையை யொத்த…உன்னைப்போல் ஒருவன்