பால்வெளிப் பாதையில்

This entry is part 13 of 15 in the series 5 டிசம்பர் 2021

 

சுரேஷ் ராஜகோபால்

பால்வெளிப் பாதையில் பயணப் பட்டேன்

முதலில் கதிரவன் ஒளி

கொஞ்சம் துரத்தியது

உற்சாகம் தாங்கவில்லை

உத்வேகம் குறையவில்லை

 

சில பொழுது கடந்த பின்னே

கூட வந்ததோ கும்மிருட்டு

அச்சம் தலைதூக்க

மிச்சமும் கரைந்தோட

பயணம் மட்டும் தொடர்ந்து

 

வழியிலே இரவு பகல் கிடையாது

போகுமிடமும் தெரியாது

கடக்குமிடமும் புரியாது

போகும் வேகமும் குறையாது

தாகம் பசி கிடையாது

 

கூட வருபவர் யாருமில்லை ஆனாலும்

இலக்கரியாப் பயணம் நிச்சயம்

வழி காட்ட நாதியில்லை

மொழி எதுவும் உதவாது

வாழ்ந்த வாழ்க்கையை மறக்க மாட்டேன்.

Series Navigationவிநோதினி புதிய சரித்திர புதினம் – முன்னுரைதக்கயாகப் பரணி [தொடர்ச்சி]

Comments

No comments yet. Why don’t you start the discussion?

Leave a Reply

Your email address will not be published. Required fields are marked *