என்ன தர?

 

 

பழைய கண்ணாடி

பழைய செருப்பு

சாபர்மதியில்

கண்காட்சியாக

 

இலவச விநியோகத்தில் கிடைத்த

உண்மையை  தோய்த்தெழுதிய 

சத்திய சோதனை    

கண்ணாடி அலமாரியில்

 

ஒற்றை ஆடை

கோல்

கண்ணாடி

செருப்பு

இவற்றுடன்

அதிர்ஷ்டவசமாக காப்பாற்றப்பட்ட    பழைய அரசாங்க செய்திப்  படங்களின் 

வயது காரணமாக 

அவற்றில்

கோமாளித்தனமாக  

ஓடும் மனிதர் 

 

 

நடிக்க மறந்த

பென் கிங்க்ஸ்லீ 

சாகும் வரை உண்ணாவிரதம் இருக்கும்  காட்சி

 

இதைத் தவிர 

வேறு என்ன  

தர இயலும்

நம்மால்

அவரைப் பற்றி

அடுத்த தலைமுறைக்கு?

 

(2/10/21  மதியம் 1 மணி)

 

(78 வயதான ஆர் வத்ஸலா எனும் பெயரில் கவிதை, கதை, புதினம் மற்றும் கட்டுரை எழுதும் வத்ஸலா ஐஐடியில் ஸிஸ்டம்ஸ் இஞ்சினீயராக பணி புரிந்து விருப்ப ஓய்வு பெற்றவர். தனது 48 ஆவது வயதில் எழுதத் தொடங்கிய இவரது இலக்கியப் பயணம் பின் வருமாறு: