உனக்குள் உறங்கும் இரவு

கோவிந்த் பகவான்

உனக்குள் உறங்கும் இரவு

எலுமிச்சைச் சாறு பிழியும் கருவியைப்போல்

பிழிந்தெடுக்கிற இந்த இரவு

துயர் மிகுந்த நம் நினைவுகளை கசியவிடுகிறது

புளிப்பேறிய சுவைடர்ந்த அவை

தலைக்கேறி தள்ளாடச் செய்கின்றன

அடுக்களை டப்பாவில் அடைக்கப்பட்ட

மீத நினைவுகளையும்

சில தேக்கரண்டி அள்ளிக் கலக்கி

ஒரே மிடறில் சுவைக்கத்தொடங்கியதும்

இந்த இரவு

எனக்குள் ஊறி உறங்குகிறது.

     -கோவிந்த் பகவான்