ஆர் வத்ஸலா
அவன் அழகாய் இருப்பதாக எனக்குத் தோன்றியதில்லை
ஆனால்
அவன் தோற்றம்
எனக்குப் பிடித்திருந்தது
அவனுடைய சில குணங்கள் எனக்குப் பிடிக்கவில்லை
ஆனால்
அவற்றை வேறொருவர் விமர்சித்தால்
எனக்கு கோபம் வரும்
சுய மதிப்பு மிகுந்தவள் நான்
ஆனால்
சில சமயம் அவனுடைய காரணமற்ற கோபங்களை
சிறுபிள்ளைத்தனம் என பொறுத்துப் போவேன்
அவன் போன பிறகு
ஒரு சந்தேகம் எழுகிறது
நான் அவனை
காதலித்தேனோ?
