கம்பன் கழக மகளிரணியின் இரண்டாமாண்டு “மகளிர் விழா”

அடுத்து ‘கி போர்டு ‘ வாசித்த செல்வன் சரண் கோபாலகிருஷ்ணன் தன் பிஞ்சு விரல்களின் விளையாட்டால் இசை மழை பொழிந்து அனைவரையும் கவர்ந்தான். நிறைவாக இடம்பெற்ற “தமிழாக்கப் போட்டி” மகளிரணித் துணைத்தலைவி திருமதி சரோஜா தேவராஜ் அவர்கள் தயாரிப்பில் நடத்தப்பட்டது .  திருமதி சுகுணா சமரசம் உடன் நடுவராக செயல்பட, விழாவுக்கு வந்திருந்த பார்வையாளர்களில் பத்து மகளிர் கலந்து கொண்டு பிறமொழி  நீக்கித்  தமிழ் பேசும் ஆர்வம் இருந்ததால் , தமிழில் சொற்களுக்குப்  பஞ்சமில்லை என்று நிரூபித்தனர்.  போட்டிக்குத்  தேந்தெடுக்கப்பட்ட கருத்துக்கள் அரிய,பயனுள்ள கருத்துக்களாக இருந்தன. கம்பன் கழகத் தலைவரின் துணைவியார் , மகளிரணியின் செயற்குழு உறுப்பினர் என்பதற்கு மேலாய் ஆர்வத்துடன்  உழைக்கும் திருமதி குணசுந்தரி பாரதிதாசன் அவர்கள் தன் நன்றி  உரையைக்  கவிதையாக நவின்று, தன் பேச்சுத் திறமையை நிலை நாட்டினார். விழா நிகழ்வுகள் அனைத்தையும் தன் இனிய குரலாலும், அழகுத் தமிழாலும் தொகுத்து வழங்கிய துணைப்பொருளாளர் திருமதி கோமதி சிவஹரியால் விழா மேலும்  மெருகேறியது. கம்பன் கழகம் பொங்கல் விழாவில் நடத்திய “கோலப்போட்டி”, “ஓவியப்போட்டி” களில் வெற்றி பெற்ற  பெண்களுக்கும், சிறுவர், சிறுமியருக்கும் மகளிரணி பரிசுகள் வழங்கி நிறைவு கொண்டது.