O
சி. ஜெயபாரதன், கனடா
ஊமை உலகப் போரிலே
ஆமைபோல் புகுந்து
ஆட்கொல்லி,
வேட்டை ஆடுது இன்னும்
வீட்டில் ஒளிந்து,
நாட்டை
நரக மாக்கிக் கொண்டு !
சொர்க்க பூமி
மயானக் காடுபோல்
காணுது !
பெட்டி பெட்டி யாகப் புதைக்க
செத்த உடல்கள்
மீளாத
உறக்கத்தில் கிடந்தன !
உறவுகள்
உற்றார் இல்லை !
இரங்கல் கூறி அடக்கம் செய்ய
நெருங்க முடியாத
கரங்கள், கால்கள், கண்கள் !
முதியோர் காப்பு இல்லம் அனைத்தும்
மரண மாளிகை ஆகும் !
துணிவுடன்
பணிபுரிய பணி மாதர் இல்லை !
உன்னுயிரைக் காப்பதா ?
இப்போது
என்னுயிரைக் காப்பதா ?
இன்னுயிரைக் காக்க
என் உயிரை இழப்பதா ?
ஊமைப் போரில் முன்னின்று
உயிர் கொடுத்தாலும்
உயிர் காக்க முடியாது போன
பிணிமயம் !
பேரிடர் ! பெருந்துயர் !
மானிடர்
உற்பத்தி செய்த
மாபெரும் ஆட்கொல்லி !
வேருடன் அழிக்க
ஓர் ஊசி மருந்து தேவை !
ஆராய்ச்சி செய் ! ஆராய்ச்சி செய் !
ஆட்கொல்லி
மானிட நாட்கொல்லி !
யாதும் ஊராச்சு ! யாவரும் உறவாச்சு !
வேதங்கள் ஒன்றாச்சு !
மதங்கள் இணைஞ்சாச்சு !
இனங்கள் ஒருங்காச்சு !
ஊரடங்கு, உலகடங்குச் சட்டம்
மீற வில்லை யாரும் !
நாடடங்கு,
வீடடங்கு விதிகள் பற்பல
புவி எங்கும் நிலவும் !
வானூர்திகள் பற்பல இறங்கி
வையத்தில் தூங்கின !
இரயில் வண்டிகள் நின்றன !
சுற்றுலாக் கப்பல்கள்
முற்றும் முடங்கிப் போயின.
பூகோளச் சுழற்சி தணிந்து போனது !
நீண்டு நெளியும்
நெடிய குகைப் பாதைக்கு
முடிவில்,
மானிடப் பிறவி காணும்
கீழ்வானச்
சிவப்பொளி தெரியும்
விடிவில்லையா !
+++++++++++++++++
- ஆட்கொல்லி வேட்டை ஆடுது
- டகால்டி – சில கேள்விகள்
- தேவையற்றவர்கள்
- அஸ்தி
- நூல் அறிமுகம் : பா. சேதுமாதவன் எழுதிய ‘ சொற்குவியம் ‘
- வீட்டில் இருப்போம்
- எனக்குக் கேட்கல… உங்களுக்கு கேக்குதா
- கொரோனா சொல்லித் தந்த தமிழ்
- இனியாவது சிந்திப்போமா?
- என்னுடைய நூல்கள் அமேஸான் கிண்டில் பதிப்பாக
- குறளில் கல்வியியல் சிந்தனைகள் – ஒரு பார்வை
- தக்கயாகப் பரணி [தொடர்ச்சி]
- புலியோடு வசிப்ப தெப்படி ?