தமிழின் முதல் இணைய வாரப்பத்திரிகை

2 ஆகஸ்ட் 2020

இன்னும் வெறுமையாகத்தான்…

ஸ்ரீரங்கம் சௌரிராஜன்

Spread the love

 

நான் சொல்லி

நீ கேட்க வேண்டிய வயது

உனக்கும்

எனக்கும்

உன் இடதுபுறம்

போய்க் கொண்டிருக்கும்

அந்த நிர்வாணிகளின்

பக்கம் திரும்பாதே

உன் வலதுபுறம்

சர்வ அலங்காரங்களோடு

போய்க் கொண்டிருக்கும்

உன் சகாக்களைப் பார்

வெறுக்கையை வெகுநேரம்

மூடிக்கொண்டிருப்பதால்

உள்ளே

ஒன்றும் முளைத்துவிடாது

உன் முதல் வேலை

முயற்சியென அறிந்துகொள்

நிர்வாணம்

குழந்தைமையோடுதான் பொருந்தும்

உன்னோடல்ல

உன் பாதப் பதிவுக்கென

உரிய இடம் இன்னும்

வெறுமையாகத்தான் இருக்கிறது

            ————–

Series Navigationவாங்க ஸார்… டீ சாப்பிடலாம்மதுபானக்கடைகளைத் திறக்க இதுதானா நேரம்?

Leave a Comment

Archives