அடைக்கலம்

சசிகலா விஸ்வநாதன்

அடைக்கலம் என்று வந்தோர் அனைவரும்

அவனை அடைந்து

அவலம் நீத்தார்.

அவர்  தகுதி நோக்கான்;

அன்பினால் தன்  தகுதி ஒன்றே தேறுவான்

படகோட்டும் குகனும்,

சுக்ரீவ ராசனும்,  

அசுர  விபீடணும்,

ஒன்றே;அந்தப் 

பரமார்த்த  பரபிரும்மத்திற்கு.

சிரக்கம்பம் வைத்து

இறைஞ்சிய பாஞ்சாலியும், 

ஒன்றுமே கேளாத

வறியவன் குசேலனும்

கண்ணன் கண்ணுக்கு  ஒன்றே நிகர்.

பக்த அம்பரீசனும்,

பிரஹலாத சிறுவனும்,

உத்தவனும்,  விதுரனும், 

வீட்டுமனும்,அவன் கழலே  நிழல் என்ற கொண்டு 

வென்றார் பரமபதம்.