கொரோனா

This entry is part 7 of 13 in the series 29 மார்ச் 2020

கற்பனைக்காதலியுடன்

இச் இச் என்று

மூச்சுவிடாமல் முத்தம் கொடுக்கும்

உன் டிக் டாக் காட்சிகள்

வைரல் ஆகி

அது பில்லியனைத்தொட்டது

என்று

நீ புளகாங்கிதம் கொண்டபோது

உன் அயல் நாட்டு நண்பன் 

உனக்கு கொடுத்த தொற்றால்

நீ 

கொரோனா எனும் 

அந்த முள்ளு உருண்டை வைரஸ்

மூலம் 

உன் அந்திச்சிவப்பை 

நீ முத்தமிட்டு

மறைந்து விடுவாயோ

என்ற நிஜம்

இப்போது

ரத்தம் கொப்புளித்துக்கொண்டு

நிற்கிறதே!

என் செய்வது?

செல் பேசிகளில்

செல்லரித்துப்போய் விடுமோ

நம் 

மண்ணின் கனவுகள்?

இலவசமாய் கிடைக்கின்ற‌

ஜிபிக்களில்.. டேட்டாக்களில்..

நம் மனித ஆளுமைக்கு

நம் இலக்கிய தாகங்களுக்கு

நம் சமூக கடமைகளுக்கு

கல்லறை கட்டுவதையே 

குறிக்கோளாய் கொண்ட‌

கார்ப்பரேட் கான்சர் வியாபாரத்தில்

இந்த வைரஸ் விளையாட்டும்

அந்த “சா டூத்துடு” பங்கு மூலதன‌

சுழல்களும் ஒரு காரணியோ?

இளைய யுகமே!

உன் வலிமை 

உன் காலடியிலேயே

பொய் நிழலாய் 

படுத்துக்கிடக்கிறது.

உன் சீற்றமும் புயலும்

அவர்களின்

காசுகள் ஓலமிட்டு அழைக்கும்

ஒரு கொட்டாங்கச்சிப்பிரளயத்தில்

அலை அடிக்க‌க்கத்துடிக்கிறது.

இளம்புயலே!

உன் பரிமாணம் விரி.

உன் பரிணாமம் அறி.

Series Navigationதக்கயாகப் பரணி [தொடர்ச்சி]கொரோனா – தெளிவான விளக்கம்
author

ருத்ரா

Similar Posts

Leave a Reply

Your email address will not be published. Required fields are marked *