ஞாயிற்றுக்கிழமை
பேரா. செ. நாகேஸ்வரி
இலொயோலா கல்லூரி
வேட்டவலம்
அலைபேசி எண் : 8695987997
விடுமுறை என்றதுமே
விதவிதமாய்
எண்ண ஓட்டங்கள்
விதிவிலக்கு ஏதுமில்லை
வேலைக்கு போகும்
பெண்களுக்கு!
முதல்ல வீட்ட ஒழிக்கோனும்
கூட்டித் தொடைக்கோனும்
அழுக்குத்துணியை ஒதுக்கோனும்
அசராம வேலை பாக்கோனும்
புள்ளைங்களுக்கு
எண்ண தேய்ச்சி ஊத்தோனும்
ஈறு, பேணு எடுக்கோனும்
இன்னைக்காச்சி என் கையால
புள்ளைங்களுக்கு
சோறு ஊட்டோனும்!
கடகன்னிக்கு போகோனும்
காய்கறி வாங்கோனும்!
வீட்டுக்கு வந்தவங்கள
வில்லங்கம் வராம
கவனிக்கோனும்!
மூட்டத் துணி
துவைக்கோனும்!
முடியலனாலும்…
மடிப்பு மாறாம
அயன் போட்டு வைக்கோனும்!
மட்டன் சிக்கன் செய்யோனும்
மாவு அரச்சி வைக்கோனும்
புள்ளைங்கள
இந்தி டியூசன் அனுப்போனும்!
தெரியலனாலும்…
இந்தி சொல்லி கொடுக்கோனும்
இது வீட்டோட கட்டளங்க!
வரப்போற ஆறு நாள ஓட்ட
புள்ளைங்களுக்கு
புத்திமதி சொல்லோனும்!
மத்தபடி ஒன்னுமில்லை
அன்னைக்கு விடுமுறை தான்!
பின்னூட்டங்கள்