வால்ட் விட்மன் வசனக் கவிதை – 30 என்னைப் பற்றிய பாடல் – 24 (Song of Myself) உன்னத நிலை அடையும் காலம்
(1819-1892)
(புல்லின் இலைகள் –1)
மூலம் : வால்ட் விட்மன்
தமிழாக்கம் : சி, ஜெயபாரதன், கனடா
படுக்கையில் மூச்சிழுத்துக்
கிடக்கும் நோயா ளிக்கு
உதவி செய்ய முன்வருவேன் நான்.
உறுதி யாக
நிமிர்ந்து நிற்கும் மனிதருக்குத்
தேவை யான
பேருதவி செய்ய வருவோன் நான் !
பிரபஞ்ச விளக்கம் பற்றி
பிறர் உரைத்ததைக்
கேள்விப் பட்டேன்; ஆம்,
கேட்டேன் அதை, கேட்டேன் அதை
பல்லாயிரம் ஆண்டுகளாய் !
பார்க்கப் போனால்
நடுத்தரப் பொதுக் கருத்து !
ஆனால் அது அவ்வளவு தானா ?
பெரிதாக்கிப்
பயன் படுத்திப் பார்க்க
நான் முயன்றால்
வாணிபக் கழுகுகள்
ஏல விற்பனையில்
விலையை ஏற்றி விட்டு
பழைய வர்த்தகர்
தலை குனியச் செய்கிறார் !
பிரம்மா, புத்தர், ஜெகோவா,
கிரேக்கர மற்றும்
பெரோவின் ஓசிரிஸ், ஐசிஸ்
தெய்வங்கள் போல்
கடவுளை ஒத்த பரிமாணத்தில்
படைக்கப் பட்டவ னாய்க்
கருதிக் கொள்கிறேன் என்னை.
உயிருடன் இருந்து, அவரது
கடமைகள் செய்வதில்
உடன்பாடு உள்ளது !
ஒவ்வொரு வடிவத் தெய்வங்கள்
மதிப்பீட்டை
ஒப்புக் கொள்ளலாம் !
முகவரி ஒன்றில்லை
மகா சக்திக்கு !
உன்னத நிலை அடையும் என்
காலத் துவக்கத் துக்கு
காத்திருக் கிறேன் !
அந்த நாள் எனக்குத்
தயார் ஆகுது !
அதற்குள்
செய்ய வேண்டிய வற்றைச்
சிறப்பாய்
செய்து முடிப்பேன்
என்னால்
இயன்ற மட்டும் !
என் மண்டை வடிவைக் கண்டு
ஏற்கனவே நானோர்
படைப்பாளி யென
உடன்பாடு ஆகி விட்டது !
பதுக்கி வைத்த கருவுக்குள்
என்னை
பதித்துக் கொண்டேன்
இப்போது.
+++++++++++++
தகவல்:
- The Complete Poems of Walt Whitman , Notes By : Stephen Matterson [2006]
- Penguin Classics : Walt Whitman Leaves of Grass Edited By : Malcolm
Cowley [First 1855 Edition] [ 1986] - Britannica Concise Encyclopedia [2003]
- Encyclopedia Britannica [1978]
- http://en.wikipedia.org/wiki/
Walt_Whitman [November 19, 2012] - http://jayabarathan.wordpress.
com/abraham-lincoln/
[ஆப்ரஹாம் லிங்கன் நாடகம்]
********************
jayabarat@tnt21.com [S. Jayabarathan] (June 25, 2013)
http://jayabarathan.wordpress.
- ஆகஸ்ட்15 நூலின் அறிமுக நிகழ்வு
- டௌரி தராத கௌரி கல்யாணம்..! – 9
- தென்மேற்கு பருவக் காற்று – புதிய முயற்சிகளில் ஒன்று
- வறுமை
- நான் ரசித்த முன்னுரைகளிலிருந்து…………25 அசோகமித்திரன் – ‘தண்ணீர்’
- லாடம்
- பால்ய கர்ப்பங்கள்
- நீங்காத நினைவுகள் – 8
- வெலிகம ரிம்ஸா முஹம்மத் எழுதிய `கவிதைகளுடனான கை குலுக்கல் ஒரு பார்வை’ நூல் வெளியீடும் இலக்கிய, ஊடக மூத்த பெண் ஆளுமைகள் இருவருக்கான கௌரவிப்பும்
- கேத்தரீனா
- நசுங்கிய பித்தளைக்குழல்
- அகமும் புறமும்
- மரணத் தாள்
- உறவுப்பாலம்
- இந்திய ஆய்வியல் துறையைக் காப்பாற்ற அணிதிரள்வோம்
- வேர் மறந்த தளிர்கள் – 11,12,13
- முன்பொரு நாள் – பின்பொரு நாள்
- நா. ரகுநாதன் – சில நினைவுக் குறிப்புகள்
- போதி மரம் பாகம் 2 – புத்தர் அத்தியாயம் 26
- ஸ்ரீரங்கம் சௌரிராஜன் கவிதைகள் – ஒரு பார்வை.
- வால்ட் விட்மன் வசனக் கவிதை – 30 என்னைப் பற்றிய பாடல் – 24 (Song of Myself) உன்னத நிலை அடையும் காலம்
- வேதாளத்தின் மாணாக்கன் (The Devil’s Disciple) அங்கம் -3 பாகம் -8
- தாகூரின் கீதப் பாமாலை – 71 என் படகோட்டியின் போக்கு .. !
- மருத்துவக் கட்டுரை டெங்கி காய்ச்சல்
- ஈசாவின் சில்லி விண்ணோக்கி ஆய்வகம் பூதக் கருந்துளையைச் சுற்றி வியப்பான வெப்ப /குளிர்ச்சி தூசி மயம் கண்டது.
- புகழ் பெற்ற ஏழைகள் -13 ம.பொ.சி
- குருக்ஷேத்திரக் குடும்பங்கள் – 16
வால்ட் விட்மனின் கவிதையை அழகுபட எழுதியுள்ளீகள் நண்பரே .உங்கள் கவிதை நடை படிக்க இனிமையாகவும் சுவை!படவும் உள்ளது. வாழ்த்துகள், தொடர்க தங்களின் கவிதைகள்!அன்புடன் டாக்டர் ஜி.ஜான்சன்.
பாராட்டுக்கு மிக்க நன்றி நண்பர் டாக்டர் ஜி. ஜான்சன்.
அன்புடன்,
சி. ஜெயபாரதன்