(Children of Adam)
(As Adam Early in the Morning)
(In Paths Untrodden)
(1819-1892)
மூலம் : வால்ட் விட்மன்
தமிழாக்கம் : சி. ஜெயபாரதன், கனடா
1. காலை வேளையில்
பொழுது புலர்ந்த வேளையில்
எழுந்த ஆதாம் போல்
உறக்கம் கலைந்து
புதுப்பித்த மலர்ச்சியுடன்
புறப்பட்டேன் மாளிகை யிலிருந்து.
எங்கு போகிறேன் என்று
என்னைப் பார் !
என் குரலைக் கேள் !
என்னை அண்டித் தழுவு !
கடக்கும் போது
என்னைத் தொடலாம்
உன் உள்ளங் கையால் !
அஞ்சாதே
என் தோற்றம் கண்டு !
++++++++++++++++
2. நடக்காத பாதையில் நான் !
நடக்காத பாதையில் நான்,
தடம் வைத்தேன்,
நீர் நிரம்பிய
ஏரிக்கரை வரம்புயர !
தானாய்க் காட்டிக் கொள்ளும்
வாழ்வி லிருந்து
தப்பிக் கொண்டேன்.
வெளிப்பட்டு
நிலையான நெறிகளி லிருந்து
இன்ப சுகத்தைத் துறந்து,
ஆதாய மற்று,
ஒத்துப் போனேன் !
நீண்ட காலமாய் நானிவற்றை
ஊட்டி வந்தேன்
என் ஆத்மாவுக்கு !
இப்போ தெனக்குத்
தெளிவானது
வெளிவராத நெறி நிலைகள்;
தெளிவான தெனக்கு
என் ஆத்மா ! நான்
உரையாடி வரும் மனிதனின் ஆத்மா
உவப்பளிக்கும் தோழமையில் !
உலகச் சந்தடிக்கு அப்பால்
இங்கு நான் மட்டும்
தனித்துள்ளேன்
பல்சுவை நாக்குடை யோரிடம்
உரையாடிக் கொண்டு
கணக்குப் பார்த்துக் கொண்டு !
எவருக்கும் தலைகுனிய வேண்டாம்
இந்த ஒதுக்குப் புறத்தில்;
இட்டமுடன் பதில் அளிக்கலாம்
இப்படித் துணிவு வாரா தெனக்கு
வேறு எங்கணும் !
தானே தன்னைக் காட்டிக் கொள்ளாத
வாழ்க்கை பளுவாய்க்
கனத்தது எனக்கு !
ஆயினும் மற்றவை கிடைத்தன.
மனிதப் பிணைப்பைத் தவிர
எந்தப் பாடலும் பாடுவ தில்லை
இன்றைய தினம் என்று
தீர்மானித்தேன்.
மெய்வாழ்வு நோக்கிப் பாடல்களை
மேலுயர்த்தி,
உடற்பயிற்சி வேட்கையில்
பொறுப்பேற்பேன்,
இவ்வினிய நாற்பத்தி ஒரு வயதில் !
எல்லா வாலிபருக்கும்
எடுத்துக் காட்டாய் இருப்பேன்
என் இரவு, பகல்
இரகசியத்தை சொல்லவும்,
தோழர்களின்
தேவையைக் கொண்டாடவும் !
++++++++++++++++++++++
தகவல்:
1. The Complete Poems of Walt Whitman , Notes By : Stephen Matterson [2006]
2. Penguin Classics : Walt Whitman Leaves of Grass Edited By : Malcolm Cowley [First 1855 Edition] [ 1986]
3. Britannica Concise Encyclopedia [2003]
4. Encyclopedia Britannica [1978]
5. http://en.wikipedia.
- தாயகம் கடந்த தமிழ் ஜனவரி 20,21,22: ஒரு நீங்காத நினைவு
- பெரியவன் என்பவன்
- தினம் என் பயணங்கள் – 8
- திண்ணையின் இலக்கியத்தடம் – 25
- தொடுவானம் – 6 வெற்றி மீது வெற்றி
- சீதாயணம் நாடகப் படக்கதை – 23
- மருத்துவக் கட்டுரை – தொண்டைச் சதை வீக்கம் ( Tonsillitis )
- கவிதையில் இருண்மை
- வழக்குரை காதை
- மனத்துக்கினியான்
- ஜீசஸ் ஏன் கருத்தில் கொள்ளவில்லை
- வால்ட் விட்மன் வசனக் கவிதை – 65 ஆதாமின் பிள்ளைகள் – 3
- பிச்சை எடுத்ததுண்டா?
- ‘காசிக்குத்தான்போனாலென்ன’
- வலி
- மாலோனுபவம் – நான் அனுபவித்த சிறு அனுபவம்
- எழுத்தாளர் தமிழ்மகனுக்கு அமுதன் அடிகள் விருது
- இயக்கமும் மயக்கமும்
- மருமகளின் மர்மம் – 19
- ஜெயந்தி சங்கர் சிறுகதைகள் – ஆய்வரங்கு
- நீங்காத நினைவுகள் – 37
- செயலற்றவன்
- செவ்வாய்க் கோளில் பல மில்லியன் ஆண்டுகட்கு முன்னே உயிரினத் தோற்றம் உருவானதற்கு நாசாவின் புது ஆதாரம்
- ஸ்ரீ கிருஷ்ண சரித்திரம் அத்தியாயம்-25 கர்ணனின் வீழ்ச்சி