விஷக்கோப்பைகளின் வரிசை !

This entry is part 11 of 11 in the series 12 ஜனவரி 2020

  

    

வரிசையில் உள்ள

காலிக்கோப்பைகளில்

இன்னும் சில நொடிகளில்

மனிதர்களின்

பொன்னான நேரம்

நிரம்பிவிடும்

கோப்பைகளின்

வண்ணக் கரங்களில் மனிதர்கள்

பொம்மைகளாக மாறுகிறார்கள்

விஷக்கோப்பைகள்

பெண்களை

அதிகம் நேசிக்கின்றன

விழி உருட்டல்களில்

சதித்திட்டங்கள்

பலப்பல உருவாகின்றன

அழகான பெண்கள்

அழுத வண்ணம் …

அபத்தங்கள்

களைகட்டிச் செழிக்கின்றன

உண்வு தண்ணீர் குடும்பம்

எல்லாம் மறந்து போகும்

அறிவு உறிஞ்சப்பட்டு

மனிதர்கள்

சக்கையாக வீசப்படுகிறார்கள்

தொலைக்காட்சித் தொடர்களின்

கோர வாய்க்குள் கிடக்கும்

மனிதர்களை

வெளியே எடுப்பது எப்படி ?

ஒவ்வொரு நாளும்

விஷக்கோப்பைகள்

நிரம்பி வழிகின்றன !

Series Navigationவிளக்கு நிகழ்ச்சி ஏற்புரை
author

ஸ்ரீரங்கம் சௌரிராஜன்

Similar Posts

Leave a Reply

Your email address will not be published. Required fields are marked *