கொடியில் காயப்போட்ட பட்டுச்சேலையாய்
விட்டத்தில் தொங்கி கொண்டிருந்தாள் பவானி
குறிப்பெதும் இல்லாததால் கூறுபோட்டது ஊரு
காதல் தோல்வி
தீராத தீட்டுவயிற்று வலி
அம்மா கடுமையான எச்சு
வயிற்றில் வாங்கி கொண்டாள்
இன்னம் இஷ்டத்துக்கு
ஒரு வாரம் கழித்து
தன் சாவுக்கு காரணமில்லை குறிப்புடன்
விஷம் குடித்து மரித்தான் மாரி
அப்போதும் அப்பனையும் ஆத்தாளையும்
காப்பாற்ற இப்படி எழுதியிருக்கான்
வேறு ஏதோ தப்பு தண்டாவென
வாய்கள் மென்றன
புரளிக்கு பதிலளிக்க ஆளில்லை யென்றால்
மனசாட்சிகள் அடகுவைக்கப்பட்டு
வாய்கள் இறந்தவர்களை உடற்கூறு செய்கின்றன