நிழல் தந்த மரம்

சூர்யா நீலகண்டன்

ஆல மரம் எப்படி இருக்கும்

என்று சிறுவன் தன்

தந்தையிடம் கேட்டான்.

வீட்டிற்கருகில் மரமொன்றும்

இல்லாததால் கூகுளிலிருந்த

மரமொன்றை கொண்டு வந்து

கணினித் திரையில் நட்டார்

சிறுவனின் தந்தை.

கணினி திரையினுள் அந்த

மரத்தின் நிழலும் பரந்து

இருந்தது..

களைப்பாகும் நேரமெல்லாம்

அந்த விழுதுகளில்

தொங்கிக் கொண்டே

இளைப்பாறுகிறான்

அந்த சிறுவன்…