என் இழப்பை நினை, ஆனால் போக விடு எனை !
[Miss me, But let me go]
++++++++++++++
[25]
தங்க ரதம்
தங்க ரதம் போல்
வீட்டில் தினம்
உலாவி வருவாள் !
மங்கா ஒளி முகத்தோடு
வீட்டில் தினம்
விளக்கை ஏற்றுவாள்.
தகதக்கும் அந்த
தங்க மேனியாளை
திருமணத்தில் கைப் பற்றிய நான்,
இறுதியாக
என்னிரு கைகளால்
எரியும் நெருப்பிலே
தள்ளினேனே ! நான்
தள்ளினேனே !
+++++++++
[26]
மரணம்
மானுடஇனத்துக்கு
மரணம் என்பது
புதிதல்ல !
மரணம் என்பது
விதியல்ல என்று நீ
சொல்லாதே !
மதியால் விதியை நீ
வெல்லலாம் !
ஆனால்
மரணத்தை வெல்ல
முடியுமா !
பிறப்பும், இறப்பும்
உயிரின வாழ்க்கையின்
இருதுருவங்கள்.
பிறந்தவர்
ஒருநாள் இறப்பர் தான் !
இறப்பவர் மீண்டும்
பிறப்பர்
என்பது தெரியாது !
மரணம் புதிதல்ல என்று
உரைத் தெனக்கு
ஆறுதல் கூற வராதீர் !
மரணம் விதியல்ல என்று
இறையிடம்
முறையிடுவேன் !
மரணம்
அரக்கர் தொழில் !
மானிடப் படைப்பைச் சீராய்
உருவாக்கிய பிறகு
ஊனுருகப் பறிப்பது தான்
உன் அறுவடையா ?
அல்லது
அறநெறியா ?
+++++++++++++
பிரார்த்தனை தொடர்கிறது.
சி. ஜெயபாரதன்
- வன்மம்
- துணைவியின் இறுதிப் பயணம் – 7
- அம்ஷன் குமார் “ஆவணப்பட இயக்கம்” நூல் வெளியீடு
- சபரிமலை – தொடரும் போராட்டங்களும் வாதங்களும்
- பழங்குடி அமெரிக்கர்களின் மீது கலாச்சார வன்முறையை நடத்திய கிறிஸ்துவப் பள்ளிகள் – மறுவிசாரணை தேவை
- 3. இடைச்சுரப் பத்து
- செயற்கை நுண்ணறிவுச் சர்ச்சைகள் – பகுதி 1
- சூரியப்ரபை சந்திரப்ரபை