கற்பனைக்காதலியுடன்
இச் இச் என்று
மூச்சுவிடாமல் முத்தம் கொடுக்கும்
உன் டிக் டாக் காட்சிகள்
வைரல் ஆகி
அது பில்லியனைத்தொட்டது
என்று
நீ புளகாங்கிதம் கொண்டபோது
உன் அயல் நாட்டு நண்பன்
உனக்கு கொடுத்த தொற்றால்
நீ
கொரோனா எனும்
அந்த முள்ளு உருண்டை வைரஸ்
மூலம்
உன் அந்திச்சிவப்பை
நீ முத்தமிட்டு
மறைந்து விடுவாயோ
என்ற நிஜம்
இப்போது
ரத்தம் கொப்புளித்துக்கொண்டு
நிற்கிறதே!
என் செய்வது?
செல் பேசிகளில்
செல்லரித்துப்போய் விடுமோ
நம்
மண்ணின் கனவுகள்?
இலவசமாய் கிடைக்கின்ற
ஜிபிக்களில்.. டேட்டாக்களில்..
நம் மனித ஆளுமைக்கு
நம் இலக்கிய தாகங்களுக்கு
நம் சமூக கடமைகளுக்கு
கல்லறை கட்டுவதையே
குறிக்கோளாய் கொண்ட
கார்ப்பரேட் கான்சர் வியாபாரத்தில்
இந்த வைரஸ் விளையாட்டும்
அந்த “சா டூத்துடு” பங்கு மூலதன
சுழல்களும் ஒரு காரணியோ?
இளைய யுகமே!
உன் வலிமை
உன் காலடியிலேயே
பொய் நிழலாய்
படுத்துக்கிடக்கிறது.
உன் சீற்றமும் புயலும்
அவர்களின்
காசுகள் ஓலமிட்டு அழைக்கும்
ஒரு கொட்டாங்கச்சிப்பிரளயத்தில்
அலை அடிக்கக்கத்துடிக்கிறது.
இளம்புயலே!
உன் பரிமாணம் விரி.
உன் பரிணாமம் அறி.
- கரோனா வைரஸ் பற்றி என் மகள் உரையாடிய ஒளிப்படக் காட்சி
- பாற்கடல்
- தமிழின் சுழி
- ஆட்கொல்லி
- வதுவை – குறுநாவல்
- தக்கயாகப் பரணி [தொடர்ச்சி]
- கொரோனா
- கொரோனா – தெளிவான விளக்கம்
- ஒருகண் இருக்கட்டும்
- கொரோனா அச்சுறுத்தல்:திரு. மைக்கேல் லெவிட் இன் ஆறுதலளிக்கும் குரல்.
- மாயப் பேனா கையெழுத்து
- பார்வையற்றவன்
- நடு வீட்டுப் பண்ணை
