தொடர் மழை

தொடர் மழை
This entry is part 3 of 11 in the series 1 டிசம்பர் 2024

ஆர் வத்ஸலா

விடாமல் பெய்து கொண்டிருக்கிறது

மழை

ஜன்னல் வழியே

ரசித்துக் கொண்டு

காத்திருக்கிறார்

சூடான பலகாரத்திற்காக கவிஞர்

மனதில் கவிதை நெய்துக் கொண்டு

மின்தூக்கி வேலை நிறுத்தம் செய்த அந்த கட்டிடத்தில்

இரண்டிரண்டு படியாக

தாவி

ஏறுகிறான்

மூச்சு வாங்க

ஏழாவது மாடிக்கு

‘ஸ்விக்கி’ பையன்

ஐந்து நட்சத்திரம் வாங்கும் ஆசையில்

‘கார் பார்க்கிங்’ இல் நிற்கும் வாகனங்களை பாதுகாக்க

இருமிக் கொண்டே

தள்ளுகிறாள்

குடியிருப்பின் கீழ்தளத்தில்

தேங்கிய தண்ணீரை

குடியிருப்பு உரிமையாளர் சங்கத்தால்

அதிகார பூர்வமாக

நியமிக்கப்பட்ட

‘ஸ்வீபர் நம்பர் 3’

விடாமல் பெய்து கொண்டிருக்கிறது

மழை

Series Navigationசரித்திர சான்றுகொட்டும் மழையும். கொஞ்ச வந்த காற்றும்.

Comments

No comments yet. Why don’t you start the discussion?

Leave a Reply

Your email address will not be published. Required fields are marked *