ருத்ரா இ.பரமசிவன்
ஒரு கொடியில்
முப்பட்டையாய் மூணு வர்ணம்.
ஒரு கொடியில்
நெடுக்கில் பட்டைகள்.
வேறெரு கொடியில்
நடுவில் வட்டம்.
இன்னொன்றில்
நீளப்பட்டைகள்
நட்சத்திரங்களுடன்.
ஒன்றில்
சூரியன்.
மீண்டும் ஒன்றில்
அரிவாள்.
சில
முக்கோணத்தொகுப்புகளுடன்.
அடுத்ததாய்
பிறைநிலாவுடன்.
ஒன்றில்
காலில் கட்டிய வாளுடன்
சிங்கம்.
பல்லெல்லாம் மனித ரத்தம்.
எத்தனை எத்தனை கொடிகள்..
கொடியை
உயர்த்தினால்
விடுதலை என்று அர்த்தம்.
எல்லை கொண்டு வேலியிட்டு
வேற்றுமையின் வர்ணங்கள் தீட்டி…
மரணங்களை மொத்தமாய் உமிழ
பீரங்கி குண்டுகள்
எப்போதுமே
வாயில் அடக்கி…
கொத்து கொத்தாய்
லட்சக்கணக்கில்
உயிர்த்தீனிகள் தின்னும்
ஒரு விஞ்ஞான மிருகத்தை
அணுகுண்டு எனும்
செல்ல புசு புசு பொம்ரேனியன்களாய்
மடியில் வைத்துக்கொண்டுமிரட்டி…
ஆலமரம் சமுக்காளம் சொம்புகள் இல்லாமல்
ஒரு அட்டை நாட்டாமையை
ஐ.நா. என்று
பொம்மையாய் முண்டைக்கண் துருத்த
அய்யனார் சிலை போல் நிறுத்தி
“தமாஷ்”பண்ணிக்கொண்டு…
ஒரு மொழியின் அடையாளத்தை
லட்சக்கணக்கான பிணங்களாக்கி
புதைப்பதை கூட
ஏதோ “போதி மரங்களுக்கு”
உரமாய் இடுவதாய்
படம் காட்டுவதையும் ஜீரணித்துக்கொண்டு
கண்ணை மூடிக்கொண்டிருக்கும்
கொடிகள் என்ற பெயரில்
காற்றில் அசையும் சில துணிப்பிஞ்சுகள்
ஒரு பக்கம்…
இந்த கொடிகள் வரிசையாய்
நூற்றுக்கும் மேல்
படபடத்தும்
ஒரு முழு மனிதன் பிறக்கவில்லை.
இதோ ஒரு தேசம்
வேற்றுமைகள் நிறைந்த கொடியை
இங்கு உயர்த்துவதில்லை.
கொடியை அறுத்தால் மட்டுமே
இங்கு விடுதலை.
ஒரு ஒளி நிறைந்த
அர்த்தத்தின் அர்த்தம் இங்கே கிடைக்கிறது.
மானிட சுவாசத்தை
சமாதானப் பிரம்மாண்டமாய்
விண்ணோக்கிப்பாய்ச்சும்
அன்பின் மானுடக்கொடி.
உலகம் கை கோர்த்து நடக்க
ஒரு அகல வழிப்பாதை.
டாக்டர் “ரிப்பன் வெட்டி” திறக்கிறார்.
தாயின் மணிக்கொடி தந்த
தொப்பூள் கொடி அது!
- தொடுவானம் 17. நான் ஒரு டாக்டர் ஆவேன்!
- பயணச்சுவை 7 . ஆங்கிலேயர் அளித்த கொடை !
- திராவிட இயக்கத்தின் எழுச்சியும் சரிவுகளும் அத்தியாயம்…8
- வாழ்க்கை ஒரு வானவில் – அத்தியாயம் 4
- நீங்காத நினைவுகள் 47
- வல்லவனுக்கு புல்லும் ஆயுதம் – திரை விமர்சனம்
- முக்கோணக் கிளிகள் படக்கதை – 5
- இந்து மோடியும், புதிய இந்தியாவும்
- வருகைப்பதிவு
- நூல் அறிமுகம். சேது எழுதிய “ மேலும் ஓர் அடையாளம்”
- முதிர்ந்து விட்டால்..!
- அன்றொருநாள்…இதே நிலவில்…..
- வால்ட் விட்மன் வசனக் கவிதை – 76 சொட்டும் இரத்தத் துளிகள்
- இலங்கை
- மாயன் மணிவண்ணன்
- டிஷ்யூ பேப்பர்
- மக்களாட்சி
- திண்ணையின் இலக்கியத் தடம் – 36
- இன்னொரு யுத்தம் (ஓர் உரைச்சித்திரம்)
- கீதாஞ்சலி இரண்டாம் பதிப்பு
- பூமியில் அடித்தட்டு அதிர்வுப் பெயர்ச்சி இல்லாது [Plate Tectonics] உயிரினங்கள் பெருகச் சூழ்வெளி உதவியிருக்க முடியாது
- மோடியின் சதுரங்க ஆட்டம்
- இந்திய “ மோடி “ மஸ்தான்
- திரைவிமர்சனம் கோச்சடையான்
- நுரைத்துப் பெருகும் அருவி
- காஃப்காவின் பிராஹா -2
- தினம் என் பயணங்கள் -18 பட்ட படிப்பிற்கான முதலாமாண்டுத் தேர்வு
- இதோ ஒரு கொடி
- எண்களால் ஆன உலகு
