வால்ட் விட்மன் வசனக் கவிதை -34
(Song of Myself)
(1819-1892)
(புல்லின் இலைகள் –1)
ஊக்கமூட்டும் என் ஆத்மா
மூலம் : வால்ட் விட்மன்
தமிழாக்கம் : சி, ஜெயபாரதன், கனடா
என்னைப் பற்றிச் சொல்ல
நல்ல தருணம் இது !
எல்லோரும் நிமிர்ந்து நிற்போம் !
தெரிந்த வற்றை நான்
உரித்தெடுப்பேன் !
ஆடவரை, மாதரை
முன்னேற்ற
வழிநடத்திச் செல்வேன்
என்னோடு !.
கடிகாரம் காட்டுது நிகழும்
காலத்தை !
முடிவின்மை* எதைக் காட்டுது ?
இதுவரை இப்படியே
களைத்துப் போய் வேனிற் காலம்,
குளிர் காலம் கடந்து
பல்லாயிர மில்லியன் ஆண்டுகள்
பயணம் செய்துள்ளோம் !
பல்கோடி மில்லியன் ஆண்டுக்
காலங்கள்
இன்னும் உள்ளது
கண்முன்னே !
அதற்கு அப்பாலும் பல மில்லியன்
ஆண்டுகள்
நீண்டு செல்லும் !
மனிதரின் தோற்றங்கள் ஈந்துள்ளன
செல்வச் செழிப்புகளை !
பேதமான பல்வேறு பயன்பெறும்
சாதனங்களைத்
தோற்று வித்துள்ளன !
மற்றவர் தோற்றமும் கொண்டுவரும்
செல்வம், பல்வேறு
செழிப்புகளை !
மேலென்று சிலரையும்,
கீழென்று சிலரையும் நான்
பேதம் பார்ப்ப தில்லை.
காலத்துக்கு ஏற்ப,
வாழும் இட நிலைக்கு ஏற்ப
சமத்துவம் மாறி விடும் !
எனது சகோதர, சகோதரிகளே !
மனித இனம் உமக்கு
மரணம் விளைவித்ததா ? அல்லது
உம்மீது பொறாமை கொண்டதா ?
அப்படி யானால்
உமக்காக வருந்துகிறேன் !
என்னைக் கொல்ல வரவில்லை,
என்மேல் பொறாமை இல்லை !
பரிவுடன் உள்ளார்
என்னிடம்;
நான் பட்ட
துயருக்குக் கணக்கில்லை
என்னிடம் !
உன்னத சாதனைகளின்
உச்சியில் நான் உள்ளேன் !
என்னைச் சுற்றி இருப்பவை
அடுத்த வருக்கு
அவசிய மானவை !
ஏணிப் படிகளில் சிகர உச்சியை
எட்டிப் பிடிக்க
ஏறிவரும் என் பாதங்கள் !
ஒவ்வொரு படியும்
பற்பல யுகங்களின் களஞ்சியம் !
படியிடையே
அடுத்த யுகத்தின் தொடர்ச்சிகள் !
இவற்றின் ஊடே
பயணம் செய்யும் நான்
இன்னும் தொடர்ந்து
ஏறி ஏறி ஏறி வருகிறேன் !
எல்லா வித உந்து விசைகளும்
என் வாழ்வு முழுமை
அடைய
இடைவிடாது பயன்பட்டு
இனிமை அளித்தன !
இந்த இடத்தில் நிற்கிறேன்
ஊக்கமூட்டும்
என் ஆத்மாவுடன் !
+++++++++++++
முடிவின்மை* Eternity
+++++++++++++
தகவல்:
- The Complete Poems of Walt Whitman , Notes By : Stephen Matterson [2006]
- Penguin Classics : Walt Whitman Leaves of Grass Edited By : Malcolm
Cowley [First 1855 Edition] [ 1986] - Britannica Concise Encyclopedia [2003]
- Encyclopedia Britannica [1978]
- http://en.wikipedia.org/wiki/
Walt_Whitman [November 19, 2012] - http://jayabarathan.wordpress.
com/abraham-lincoln/
[ஆப்ரஹாம் லிங்கன் நாடகம்]
********************
jayabarat@tnt21.com [S. Jayabarathan] (July 24, 2013)
http://jayabarathan.wordpress.
- போதி மரம் சத்யானந்தன் பாகம் 2 – புத்தர் அத்தியாயம் 30
- கடவுள்களும் மரிக்கும் தேசம்
- அண்மையில் படித்தது ம.ராஜேந்திரனின் “சிற்பியின் விதி” [ சிறுகதைத் தொகுப்பு ]
- நீங்காத நினைவுகள் 12
- வீடென்பது பேறு முன்னுரை – குவர்னிகா இலக்கியச் சந்திப்பு மலர் :
- விண்ணப்பம்
- தாகூரின் கீதப் பாமாலை – 75 என்ன திருவிளையாடல் இது .. ?
- சிரட்டை !
- வால்ட் விட்மன் வசனக் கவிதை -34 என்னைப் பற்றிய பாடல் – 27 (Song of Myself) (1819-1892) (புல்லின் இலைகள் -1) ஊக்கமூட்டும் என் ஆத்மா
- புகழ் பெற்ற ஏழைகள் 17
- டௌரி தராத கௌரி …கல்யாணம்.! – 12
- உயில்
- மருத்துவக் கட்டுரை இருதய தமனி நோய்
- பொசலான்
- 65 மில்லியன் ஆண்டுகட்கு முன்னே மெக்ஸிக்கோவில் முரண்கோள் மோதிப் பிரளயம் விளைவித்தது
- திருட்டு
- காக்காய் பொன்
- வேதாளத்தின் மாணாக்கன் (The Devil’s Disciple) அங்கம் -3 பாகம் -12 மூன்று அங்க நாடகம்
- குருக்ஷேத்திரக் குடும்பங்கள் 20
- நேரத்தின் காட்சி…
- ’பிறர் தர வாரா..?’
- தமிழ் வலைப்பூத் திரட்டிகளின் பங்கும் பணியும்- ஒரு மதிப்பீடு
- மேத்தாவின் கவிதைகளில் தமிழும் தமிழினமும்
- இதழ்கள் நோக்கில் விளம்பர வகைகள்
- மாலதி மைத்ரி கவிதைகள் – சங்கராபரணி தொகுப்பை முன்வைத்து…
- ஜென்
- குளம் பற்றிய குறிப்புகள்
- இருபது ரூபாய்
- மாஞ்சோலை மலைமேட்டில்…..
- காதலின் தற்கொலை