பாண்டித்துரை கவிதைகள்

This entry is part 17 of 27 in the series 6 செப்டம்பர் 2015

மாயா

அந்த ஒரு வார்த்தையைத்தான் தேடிக்கொண்டிருக்கிறேன்

மாயா

கவலையை

மிகச் சிறியதாக்குகிறாய்

மிகச் சிறிய கவலையை

எளிதாக்கிவிடுகிறாய்

மாயா

நீ

தர மறுத்த

அந்த முத்தத்தில்தான்

நான் இருக்கிறேன்

ஒருவருக்கும் தெரியாது

இந்த நேரத்தில் என்ன செய்து கொண்டிருக்கிறேன் என்று

சிராங்கூன் சாலை சூர்யா உணவகத்தில் சாப்பிட்டு கொண்டிருந்தவன்

வீர காளியம்மனை சுற்றிக்கொண்டிருந்தேன்

மீராஸ் உணவகத்தில்

8 மணிக்கு வடை ஆறிப்போய்தான் இருந்தது

நல்லாயிருக்குமென்று

வாங்கிச் சாப்பிட்ட நண்பன் சொன்னான்

வடை நேற்று போட்டதோ

வீர காளியம்மன் கோவில் பின்புறத்தில்

வேகமாக வந்த ஒருவர்

என் முகத்தில் லட்சுமி கலை இருப்பதாக சொன்னார்

லட்சுமி கலைதான் இருக்கு லட்சுமி இல்லை என்றேன்

சிரித்துக்கொண்டே நகர்ந்தார்

இன்னொருவர் முகத்தில் லட்சுமி கலையை தேடி