![](https://ci3.googleusercontent.com/proxy/w5MAkFDIbiEkMpRxTL4y0eCWaoykdHxKln86CiPCuazH6RC_yvEXwUcF0bv5-Xh8pM2DLX4v1GS2aVeKPB13gWOlHrvKwdSmCfmP7eFC0CWD680tjB3AkJ4NuPv7xljy3OiSuhWd-muCPxnabgisWEgSoGXyeSOtbu6D2QX6VmpHtVBwaHNFO_v5NpCropkiT9IWHGO9OxQs-ClbGUlh54rWm7EZvncpNbU0K9MKHqHAWdzRortzTxI6GYF3WusukjTdjzCJNV26s1558wg5K0mLUHyH0fXCn3TYh_CD4SfvRtbNwNE4U7lBezJ_MLU7iVJq99b1_BKvau3H8D4ptMa8WWf_L5PWG36TUJ0oLV5WUBXF0SJU=s0-d-e1-ft#https://www.asian-voice.com/var/ezdemo_site/storage/images/_aliases/article_main/asian-voice/volumes/2021/4-september-2021/hurricane-ida-carves-path-of-destruction-across-louisiana/1720419-1-eng-GB/Hurricane-Ida-carves-path-of-destruction-across-Louisiana.jpg)
![A homeless couple with a sign asking for help after Hurricane Ida in Homa.](https://ci4.googleusercontent.com/proxy/NI-WauW7AIuiRxlZ5xzLAfQvsgZjqmHd1DqpMbOs8_Oimvp2_SkbLCfqos2NU8vsgCuoa0vQShfdlHBKtWyNhMDgOIsCAJ3HYCBqHckFlV8q2ztkjikbJcCdk0UkDrixK51E-sLg0xsQO-Kh3X_cZL7nzny-=s0-d-e1-ft#https://nypost.com/wp-content/uploads/sites/2/2021/08/ida-houma-05.jpg?quality=90&strip=all&w=1024)
![](https://ci3.googleusercontent.com/proxy/UoisG9MW6mbi40wzw5pA3yEBp8KmODvObAZjlfMZa-12O8_GvbPDamT2gcYBFZhUUFbKbzg1vqXi6TE9yKqvrqMUtI-Xa5jtfMe90NwgCgWEhjcpT-FR4Ccha8hIfdPa7Mb5-VV2GL7tdzWyR8tQAzFK9Jq2q5aHerFwb7AwQLhidOpVyekcJuucmT1O6iXOh9s=s0-d-e1-ft#https://california18.com/wp-content/uploads/2021/08/Hurricane-Ida-intensifies-to-category-4-heading-for-New-Orleans-768x768.jpg)
![flooded NYC street filled with people, cabs, and buses](https://ci5.googleusercontent.com/proxy/3gsUtLSxN05mjf9fnUdqahTtx1rxVpbnn188MKwR2SovAI0opv8wYtGiZ928vUQqSBJRuWW3xxUcXoxPB94QLeuGkpRhTQ7KYYM_caBANvTsHsnPtzfwim7uATW6BTzrXUvLg14Vf1pr9soZ-aPmBBVwrHJA6h2A4FNFOYCTBYU1k_cavZxqYNvXzIjY9COQTSabpDOMWcvhWqMnW88=s0-d-e1-ft#https://uploads.dailydot.com/2021/09/day-after-tomorrow.jpg?auto=compress%2Cformat&fit=scale&h=350&ixlib=php-3.3.0&w=700&wpsize=fp_800_350)
![](https://ci6.googleusercontent.com/proxy/7l8bEvaBY_JMTqYhAQ2i7fXY72szaM4y-21X7bVGfa3qh3y7rTFQQQJaq0TpAAXTXAruSdCCjX7H0Rx2az6EVUUJJUvrgVrf8kWQtczpn3c1nGKFTkVP3y6-t_Fajg=s0-d-e1-ft#https://www.myinterestingfacts.com/wp-content/uploads/2013/06/Big-Flood.jpg)
https://nypost.com/2021/08/30/
![New Orleans Firefighters assess damages as they look through debris after a building collapsed from the effects of Hurricane Ida.](https://ci3.googleusercontent.com/proxy/weyv_lbRA3VakZH6jRZ5cMJQlXyZzmoTFT-u6nc5qzlD9XJCB4Ck3TYp_pPkRthcD2GKBlkms16QY3v8W5HHxJx3KOguwoXPyWIrUihoZrv87ZhGy2L5mq-j2MOcpwn-7470LWzi4MDlWtFiufPp=s0-d-e1-ft#https://nypost.com/wp-content/uploads/sites/2/2021/08/ida-74.jpg?quality=90&strip=all&w=1024)
லூசியானாவில் ஹர்ரிக்கேன் ஐடா விளைத்த பேரழிவுகள்
![](https://ci5.googleusercontent.com/proxy/3FCfPEKxoLaJ_FEX8JbHpD6Px5L1ZhuG778oSuQWrrYmr8m8c7oRXsONDJcNzuWkJjtdpo8VVnXwwlCP1gxs3BxbUzJCUgdRP8BXZ2p8ZiWbhYOxPPGZOQyrinkG2MbHddQVh-2NAn7AGNVlBBPtzhDCUXwopAok5b80apEoE9-OsJk74pxv9NCfeNAP-jOLzsdV2votGPjP57ViFHjg6RGE_X9p5dGnJ5tBwC7wd9wmXOsetD7x3u7pSaApoHlIo3O5JD7efv-ClNljdAQ=s0-d-e1-ft#https://news-images.vice.com/images/articles/meta/2014/10/29/129-billion-worth-of-new-york-city-real-estate-lies-in-flood-zones-1414619744.jpg?crop=1xw:0.9119515011547344xh;center,center)
![](https://ci4.googleusercontent.com/proxy/FuUjSbd55g0F_R1wqoFr0s3C8l-ZsFnM72uK4xPhI8vJhby1IxFKgl4CroLSheHz-fcwDocVSWoyXL4_ZwcEj-ZqO01g8s7W8O47_AuSKm-8cPBqqGIwTMFb0yCtgPTwqjE-jquQp0U=s0-d-e1-ft#https://i1.wp.com/dailycaller.com/wp-content/uploads/2016/02/Timeline-Of-Disaster.jpg)
![](https://ci5.googleusercontent.com/proxy/CrFdzZwxrlpoGIN_tWE7sPY_o4O4PpLVECqCOATyDikITdKvhu4QbQdF20sY7sirqHeLYbN1cUn6S3QylUd70mYUpwZQvGbbWS1IM7cEIYlXHFRTSw=s0-d-e1-ft#https://jayabarathan.files.wordpress.com/2021/09/tornado.jpg?w=638)
![](https://ci3.googleusercontent.com/proxy/mjLCAFPfwaAB0Wu0uP_JLOSXA-hP3oxek2uucY_axyYCFbnjqMg6Q0h9UZT-ER9_VfPRco6IbHbwP3lmBECeVrTV7hK73iW2BwEdQf_3Dh8Y8o21y6ATn1cdSrtVljStK5Ev-WjVTF610BNbHqcA5Xe4gj9pE4PPxAjcQipD7-FZgyfcNK0ViEAXuYY=s0-d-e1-ft#https://thelatestbreakingnews.com/wp-content/uploads/2021/09/Pictures-show-aftermath-of-deadly-Storm-Ida-as-US-cities.jpg)
![](https://ci4.googleusercontent.com/proxy/oR23coXr3cnZjY_kiCucR9juF0erddFl1uY3JXQ7wAxXU6D3ZjYmtNTrZMYo6oe1Gi2dHzp0S8HspkIosw_w7PooKiA_NHuEn5CR9002Yxu7GYx_jvpDqJ5tiwCthN779GjDSrH8WCFOpWocyO61u1x8mEqLFo84tOGCyIb0Cm-_JSSotWM2YppCQUH6sClJ7wSoU55T0oU=s0-d-e1-ft#https://thumbnails.cbc.ca/maven_legacy/thumbnails/417/675/ida-flooding-dunn-020921.jpg?crop=1.777xh:h;*,*&downsize=510px:*%20510w%22)
ஹர்ரிக்கேன் ‘ஐடா’ அதிவிரைவில் எப்படி அசுர வலுப்பெற்றது ?
2021 ஆகஸ்டு 31 இல் உருவாகி, லூசியானா மாநிலத்தைப் பேரளவில் சீரழித்து, பெருமழையில் நியூயார்க், நியூஜெர்சி, பென்சில்வேனியா, மேரிலாண்டு நகரங்களை வெள்ளத்தில் மூழ்க்கிய ஹர்ரிக்கேன் ஐடா, எப்படி மூர்க்கத்தில் முதல் நிலையில் இருந்தது, அதிவிரைவில் நான்காம் நிலைக்கு [Storm Category 1 to Category 4] மாறியது என்பது வியப்பாக உள்ளது ! சூறாவளி ஐடாவின் வேகம் 85 mph லிருந்து 150 mph ஆக ஒரே நாளில் விரைவு திரட்சி பெற்று ஏறியது எப்படி ? 24 மணி நேரத்தில் சூறாவளி வேகம் 30 knots [35 mph] மாறுவதற்கு ஆற்றல் எப்படி வந்தது ?
வேனிற் பரப்புத் தளங்களைத் தாக்கும் புயல்கள் நடுவண் அழுத்தம், 24 மணி நேரத்தில் 42 millibars [0.61 psi] குன்றினால், அவை “விரைவு ஆழ்வு நுழைவு” [Rapid Deepening] ஆற்றல் அடைவதாய்க் கூறப்படும். சூறாவளி ஐடாவின் மைய அழுத்தம், 24 மணி நேரத்தில் 56 millibar [0.81 psi] குன்றி உள்ளது. அதாவது உச்ச ஆற்றல் பெற்றுள்ளது.
இதுவரை 49 பேர் [2021 செப்டம்பர் 5] உயிரிழந்ததாக அறியப்படுகிறது.
வேனிற் கால வட அமெரிக்க மழைச் சூறாவளிகள் அசுர வலு எப்படிப் பெறுகின்றன ?
- முதலில் கடல் மூலம் பேரளவு ஆற்றல் சேமிப்பு மேற்தள அடுக்கு வெப்ப நீர் வெள்ளம் மிஞ்சிய சேமிப்பாய்ச் சேர்கிறது.
- இரண்டாவது தேவை கடலின் மேற்தள வெப்ப நீர்மை ஆவி [Water Vapour, Accumulated over Several Decades in the Oceans] . சூடாகும் நீர் வெள்ளம் பேரளவு நீர்மை ஆவியைக் காற்றில் ஏற்றுகிறது. மேலும் சூடான காற்று பேரளவு நீர்மை ஆவியைச் சேமித்துக் கொள்ள ஏதுவாகிறது. 1990 ஆண்டிலிருந்து, சூழ்வெளிக் காற்றில் சுமார் 4% நீர்மை ஆவி மிகையாகி உள்ளது.
- மெக்சிகோ வளைகுடா பேய்மழைச் சூறாவளிகள் உருவாகி, அதிவிரைவில் திரட்சி பெற வெப்ப நீர்மையும், ஆவியும் நிரம்பிய சேமிப்புக் களஞ்சியமாக உள்ளது.
- கடல் நீர் ஹிரீன்ஹௌஸ் வாயுக்கள் பெருக்கும் 90% சூடேற்றத்தை உறிஞ்சு கிறது. 500 அடி உயரக் கடல் நீரில் உள்ள வெப்பமே, ஹர்ரிக்கேன் அசுர வலு பெற ஆற்றல் அளிக்கிறது.
பூதவலு ஹர்ரிக்கேன் தாக்குவதற்கும் பூகோளக் கடல்நீர்ச் சூடேற்றத்துக்கும் தொடர்புள்ளதா ?
![](https://ci6.googleusercontent.com/proxy/ywHAtwcBS_WmsNBxIwh7mEWhbdNb9UiPD6RXzYvvo7ZIWyVGGNch4TxcY50r1Ys-DRhTAaDaJ27sO66eHCxH5A9oN7p8shs05zJ5UdKLKUByjVPd-bm4rG6_GJdkPQ=s0-d-e1-ft#https://jayabarathan.files.wordpress.com/2017/09/hurricane-season.jpg?w=584)
+++++++++++++++
http://www.cnn.com/2016/10/06/
http://video.
![Image result for hurricanes in history](https://ci4.googleusercontent.com/proxy/vWNrJWFnZ_pv8bbrCi1Riaoms4SjAuWDDgOuPoMG7HJwUZ0kJuce1rlaq-qJP8pnuIQ5KHGyILkrcUVKZoZLG3CfIQ=s0-d-e1-ft#https://i.ytimg.com/vi/VMnYB0OJud0/hqdefault.jpg)
அழுதாலும் பயனில்லை!
தொழுதாலும் பயனில்லை!
கரைமதில் உடைந்து விட்டால்,
காத தூரம் ஓட வேண்டும் அம்மா !
குடியிருக்க இடம் ஏதம்மா ,
கடல் தடுப்பு முறிந்து போனால் !
உடைந்து போகும் பழைய மதில்
ஓலமிட்டு மக்கள்
துயர்ப்படவே வைக்குதம்மா !
ஒருநாட் பொழுதில் அடித்த
சூறாவளிப் பேய்மழை
நியூ ஆர்லீன்ஸ் கீழ்த்தளப்
பெரு நகரை
வெறு நரக மாக்கிய தம்மா!
+++++++++++++++
லெட் ஸெப்பெளின் இசைப்பாடல் [Led Zeppelin Lyrics (1929)]
![](https://ci3.googleusercontent.com/proxy/EGSQI1qKRjzHW3BFOUeDc940dta5SpgRc6xJivE7TCeVfyvjpSOQa6c0tRpTF8bU57evDXafk0ZYnUwvW_YCTsLVKTS7VM4zqJEKQ_ZgJp9FOCf9zu7dDOXBTjfITrp7ayo=s0-d-e1-ft#https://jayabarathan.files.wordpress.com/2017/09/what-we-can-do.jpg?w=605&h=681)
பூகோளச் சூடேற்றத்தைக் கணிக்க உதவும் புவிச் சூழ்வெளி அறிகுறிகள்.
பூகோளச் சூழ்வெளியில் கரியமில வாயுவின் திணிவு மிகை ஆவதால் வாயு மண்டலமும், கடல் நீரும் சூடாகி, கிரீன்லாந்தின் பனிக்குன்றுகள், ஆர்டிக் பனி மதில்கள் உருகிக் கடலில் சேர்ந்து கடல்நீர் மட்டம் உயர்கிறது. பூகோளம் சூடேற்றத்தை அளக்க, முக்கியமாக புவிச் சூழ்வெளியில் வாயுவின் உஷ்ண ஏற்றம், கடல்நீர் மட்ட உயர்வு, கடல்நீர் வெப்பக் கொள்ளளவு ஆகிய மூன்று விளைவுகளின் அளவுகள் தேவைப்படும். கடல்நீர் மட்ட அளவு உயரும்போது, கடலின் வெப்பக் கொள்ளவு [Heat Content] மிகையாகிறது. அத்துடன் நீராவி எழும் கடல் பரப்பளவும் அதிக மாகி சூழ்வெளி வாயுவில் நீர்மைத் திணிவு [Moisture Density] சேர்கிறது. வேனிற் காலத்தில் பேரளவு நீராவி விரைவாகக் கடலில் உருவாகி முகிலில் கூடுகிறது.
![](https://ci5.googleusercontent.com/proxy/FMQlh_eSkzVCa9-S-oS0u_xHRRfpSLiE3ty3027-x1v22vfmlCgJvvexSFBAgkOboLaSGly8DQ6DN6RXrwa890KyEdp1roVB4bgbB2FJdh3DSYCdmCbVOYeTYY6wYj_vV_1I0Yct3gOi_2xxPRYD7zf1quY3DrM=s0-d-e1-ft#https://jayabarathan.files.wordpress.com/2017/09/sear-water-temperature-heat-content.jpg?w=584&h=773)
கரியமில வாயுவையும், மற்ற கிரீன்ஹௌஸ் வாயுக்களையும், எரிமலை வெடிப்புகள், மின்னல் தூண்டும் காட்டுத் தீக்கள் போன்ற இயற்கை நிகழ்ச்சிகளும், மனிதனின் செயற்கை முறைகளும் தொடர்ந்து வெளியாக்கிச் சூரியக் கதிர்கள் சூழ்வெளியைச் சூடாக்கி வருகின்றன. 19 ஆம் நூற்றாண்டில் தொழிற்புரட்சி ஏற்பட்டு, 21 ஆம் நூற்றாண்டில் பன்மடங்கு பெருகி புகை மூட்டம் உலகை இருண்ட கண்ட மாக்கி வருகிறது. எத்தனை விரைவில் சூடேற்றம் மிகையாகிறது என்பதை தொழில் நிபுணரும், விஞ்ஞானிகளும், பொது நபரும் கணித்துத் தீர்மானிக்க வேண்டியது. இப்போது சராசரிக் கடல்நீர்த் தள உஷ்ணக் கணிப்பே பூகோளச் சூடேற்றத்தைக் காண உதவுகிறது. புது முறைப்படி இன்னும் உயரிய வழிப்படிப் பூகோளச் சூடேற்றம் அறிய கடநீர் மட்ட உயர்வும், கடல்நீர் வெப்பக் கொள்ளளவு மாற்றமும் தெரிய வேண்டும். நவீன உலகில் இவற்றின் அளவுகளைத் தொடர்ந்து கண்காணித்து வருபவை :1. சைனா 2. அமெரிக்கா 3. பிரான்ஸ் ஆகிய மூன்று நாடுகள்.
![](https://ci5.googleusercontent.com/proxy/wEAvWGVk6WqmjDL74Lqp3rwqbj69oQZfbS36RbLEMpsmFtsSO-5reXNRpArl3R6ahvivHd-RFv2lIpsSo4CadOSMG_WAe6FueFEkJAqRg--pPihFqax4wDIPE4ZJgr6ts_HJbT6OP-h-Fg=s0-d-e1-ft#https://jayabarathan.files.wordpress.com/2017/09/fig-5-co2-temperature.jpg?w=606&h=1005)
மனித செயற்கை நிகழ்ச்சிகளால் உண்டாகும், கரியமில வாயுவால் எழும் வெப்ப சேமிப்பில் 90% அளவு கடல்நீர் வெப்பம் ஏறச் சேர்கிறது. கிரீன்லாந்தின் பனிநீர்க் குன்றுகள் மட்டும் உருகி ஆண்டு தோறும் 250 கிகாடன் [250 பில்லியன் டன்] நீர் வெள்ளம் கடலில் சேர்கிறது. அப்போது கடல் மட்டம் உயர்ந்து கடற்கரை நகரங்கள் மூழ்கும். அசுரப் புயல் & பெருமழை ஹர்ரிகேன்கள் உருவாகி, கடற்கரை நகரங்கள் நீரில் மூழ்கும். 2005 ஆண்டில் நியூ ஆர்லின்ஸ் மூழ்க்கிய கேட்ரீனா ஹர்ரிக்கேன், 2012 ஆண்டில் நியூ யார்க்கை மூழ்க்கிய பூதப்புயல் ஸாண்டி, 2017 ஆண்டில் ஹூஸ்டன், டெக்ஸஸ் மூழ்க்கிய ஹர்ரிக்கேன் ஹார்வி குறிப்பிடத் தக்கவை.
![](https://ci4.googleusercontent.com/proxy/jwDL8n5E9wjZ5WpfGY7PTSCO9lQPEvKzqUgO5C_aaPv-9kBslBqU3pHGGHaeLJ9sJU5bCcGC_gzViB66qvi6LGfTZpnC4lG3pF6Z0PL1NZ9AA8B4ySB4MWNAwGEfAB_RLk3-=s0-d-e1-ft#https://jayabarathan.files.wordpress.com/2017/09/atmospheric-co2.jpg?w=584&h=616)
![](https://ci6.googleusercontent.com/proxy/4FnK75JJrNXEbuCslkSGtjDgPXt0rugI7ErPjD_AOKTxJ7H1aphRVDLtTypj1mWYUhPTEnmv7DIqodHGpRRaBXRhYzugy8DnvbeAXdnPDs2ABD9tAwQc3rmoDiXUC-0_hNDr=s0-d-e1-ft#https://jayabarathan.files.wordpress.com/2017/09/ave-temperature.jpg?w=615&h=473)
![](https://ci5.googleusercontent.com/proxy/37P_fPK4ohCyXSI8aqbo_mKf2Inp-2GgY9WyF4nFo0U7Cll9TTn39pMo8f2NyNjB3svMv7vrATDjOThiXx_BjvRhn_L1JrvRj7ultUhkULhUcMfRWLcxdqb25iqM31Yc1Jjk4AEMp3S2=s0-d-e1-ft#https://jayabarathan.files.wordpress.com/2017/09/change-in-earths-heat.jpg?w=584&h=438)
பூகோளச் சூடேற்றத்துக்கும் சூறாவளிப் பெரு மழைக்கும் தொடர்பு உள்ளதா ?
2017 செப்டம்பரில் அமெரிக்காவைத் தாக்கிய ஹர்ரிக்கேன்கள் ஹார்வி, இர்மா, மரியா போன்றவை பேரளவு வலுமிக்க அசுரச் சூறாவளிப் பெருமழையாகக் கருதப் படுகின்றன. வேனிற் கால ஹர்ரிக்கேன்களின் வலுவும், வேகமும் தற்போது மிகுந்துள்ள தாக அறியப் படுகிறது. அவற்றின் கணிப்பு : சுமார் ஒரு டிகிரி செல்சியஸ் கடல் நீர் உஷ்ண உயர்வுக்கு & வினாடிக்கு 8 மீடர் [25 அடி] வேக அதிகரிப்பு [மணிக்கு 30 கி.மீ] உண்டாகுகிறது !
மேலும் கடற்தள உஷ்ண ஏற்றத்தால், நீர் ஆவியாகிச் சூழ்வெளி வாயுவில் நீர்மைத் திணிவு [Moisture Density] ஒவ்வோர் டிகிரி செல்சியஸ் ஏறும் போது 7% அதிகரிக்கிறது. சமீபத்தில் டெக்ஸசைத் தாக்கிய ஹர்ரிக்கேன் ஹார்வி இவ்விதமே அசுர வலுப் பெற்றுள்ளது.
![](https://ci3.googleusercontent.com/proxy/SZiz06-E_goKXJ8FGFHdUFEJcnOfpV5_TdxeZYf99WClO2Ye3px5fXGmKDOm3bIAPF0znSuDb-i6nKHrWY94Dq5UP9GfPwSCeal2IuxfXTi8IuhcXzeCwDj9KzexxP4KgFweUoE5qcCZsKM=s0-d-e1-ft#https://jayabarathan.files.wordpress.com/2017/09/fig-1b-cyclone-activity.jpg?w=595&h=526)
![](https://ci6.googleusercontent.com/proxy/WsGNnUgoufRi9a32cKCgbRhMiRGLCwk73Ai5DRvLnPkxrlbEp2KElNfjWzSyyJXw2rohYnmwYcu8yY9MvXE_3nvVtpuQZQiGU8Ca8tYrnmBBOlv3G7oL3O77BtC4JiMcY4KnZyR02bbrFxQp=s0-d-e1-ft#https://jayabarathan.files.wordpress.com/2017/09/greenhouse-gas-emissions.jpg?w=596&h=562)
![](https://ci5.googleusercontent.com/proxy/SJl6oh6P5yH0jq1PGxMCtu5vihIEGKOrumEfDAmx7_Zla7efiIEqI6bl5L_EVHRFAx3U9uVjjrNv_BEdvFP7z9jCT8ESQFYe1Iz6dqnmo6ashQwtgs7fvDxP7PKLb0qbuzMR1w=s0-d-e1-ft#https://jayabarathan.files.wordpress.com/2017/09/sea-level-change.jpg?w=584&h=366)
ஆண்டுதோறும் அமெரிக்காவில் அடிக்கும் சூறாவளிப் பேய்மழைகள்.
ஹர்ரிக்கேன் எனப்படும் அசுரச் சூறாவளி பேய்மழை அடிப்புகள் பருவக் காலம் தவறாது, ஆண்டுதோறும் அமெரிக்கத் தென்னக மாநில நகரங்களைத் தாக்கி, நரகப் புழுதியாக்கி பேரளவு நிதிச் செலவை உண்டாக்கி வருகின்றன. அவற்றுக்கு விஞ்ஞானப் பின்புலமாய் உள்ள காரணங்கள் என்ன ? ஒவ்வோர் ஆண்டிலும் அவற்றின் தாக்குதல்கள் தவிர்க்க முடியாததாய், எதிர்பார்க்க முடியாததாய், தடுக்க இயலாததாய் மக்களுக்குத் துயர் அளிப்பதாய்த் தெரிகின்றன. மானிடர் வல்லவராய், அறிவுள்ளவராய், பொறிநுணுக்கத் திறமையாளராய் இருப்பினும், 21 ஆம் நூற்றாண்டில், சிறியவராய், அவற்றின் முன்னே ஆற்றலின்றிப் பின்வாங்கிப் போகும் மனித இயலாமை தெளிவாய்ப் புரிகின்றது. சரி நமக்குப் பருவக் காலப் பேரிடர்களான சூறாவளிப் பேய்மழைத் தடுப்புகள் பற்றி என்ன தெரியும் ?
![seawater-surging](https://ci3.googleusercontent.com/proxy/oXM9HU1MvKv-h_dPDkDYyRAc03lGMur4sIzy9_l2wJz0RLRiT1r6aOnQKL8vwAVYc31pihA4yGGP2vC6SsRKAlsWnStcAxO8YvOcFjG9Nv375j2586223meQLJnRRLvKcU3uMg=s0-d-e1-ft#https://jayabarathan.files.wordpress.com/2016/10/seawater-surging.jpg?w=584&h=389)
2004 அக்டோபரில் கூடிய அமெரிக்க விஞ்ஞானிகள் ஹர்ரிக்கேன் இடர்களை எப்படித் தவிர்ப்பது, தடுப்பது என்று ஆய்வுகள் செய்ய முயன்ற போதிலும், 2017 இல் இதுவரை அந்தக் குறிக்கோள் நெருங்க முடியாதபடித் தூரமாய்ப் போய் விட்டது ! அடுத்த கேள்வி, எங்கே இருந்து இந்த ஹர்ரிக்கேன்கள் உருவாகின்றன ? 1851 ஆண்டுமுதல் 2012 வரைப் பதிவு செய்தவை ஆக்டபஸ்போல் சுழிவடிவில் உருவானவையே. 2016 ஜூன் வரை அறிந்த விளைவுகளின்படி அவற்றைத் தவிர்க்க முடியாது, தடுக்கவும் முடியாது, திசை மாற்றவும் இயலாது என்பதே ! 2016 அக்டோபரில் உருவான பூதச் சூறாவளிப் பேய்மழை “மாத்தியூ” அமெரிக்கத் தென்னக மாநிலங்களைத் [பிளாரிடா, அட்லாண்டா, தென் கரோலினா] தாக்கிப் பல நகரங்கள் நீரோடத்தில் மூழ்கின. ஐந்தாம் தகுதியில் [Category : 5] அடித்து ஹெய்தித் தீவில் பேரளவு சேதாரம் விளைவித்தது, மாத்தியூ ஹர்ரிக்கேன்.
+++++++++++++
‘ஹரிக்கேன் கேட்ரினா நியூ ஆர்லியன்ஸ் நகர்ப் புறங்களில் பேரளவு சூழ்நிலைச் சீர்கேட்டை விளைவிக்கப் போகிறது. நகர்ப் பாதுகாப்புக் கரைமதில் ஏற்பாடுகளைத் [The City Levee System] தகர்த்துக் கொண்டு நீர் வெள்ளம் கடல் கீழ்மட்டப் பகுதிகளை நிரப்பி, தெருக்களில் நீர்க்குளங்களை உண்டாகிக் குப்பை, நரகல் கழிவுகளுடன் சேர்ந்து, அபாய இரசாயனத் திரவங்களுடன் கலந்து மக்கள் தப்பி வெளியேற முடியாதபடி அடைத்து விடலாம். ‘
இவார் வான் ஹீர்டென் [Ivor Van Heerden, Marine Scientist, Louisiana State University]
![hurricane-flooding-4](https://ci5.googleusercontent.com/proxy/cED3s9Yz5S55D7w5SBBAKy7KPrClf_HiiAptRPfSwuf8Mp4JnD_Gvxn-XcJyYXae48XLpCVmG3Iabw28u-8AaVjotx6W_j4o7zrJEEcsFTTTZhLzeKx-iEoI4_xG9kRcm3L0I8R7VRw=s0-d-e1-ft#https://jayabarathan.files.wordpress.com/2016/10/hurricane-flooding-4.jpg?w=584&h=437)
‘பொஞ்சாட்ர்டிரைன் ஏரியுடன் [Lake Pontchartrain] இணைக்கப்பட்ட கால்வாய் கரை மதில்களில் ஏற்பட்டுள்ள இரண்டு உடைப்புகளைச் செம்மைப் படுத்த முயல்கிறோம். அதற்காக வேண்டிய கல், பாறைகள், மணல் போன்றவையும், கட்டுவதற்குத் தேவையான மணல் மூட்டைகள், தூக்கி யந்திரங்கள், டிரக்குகள், ஹெலிகாப்டர்கள் ஆகியவற்றையும் தயாரித்து வருகிறோம். ‘
வால்டர் பெளமி [Walter Baumy, Manager, Army Corps of Engineers (Aug 31, 2005)]
‘தேசீயப் பாதுகாப்பாளர் எண்ணற்ற மணற் சாக்குகளை இட்டு மதில் உடைப்பை மூட முயன்றார்கள். ஆனால் அவை யாவும் இருட்குழியில் விழுந்து மறைவன போல் காணாமல் போகின்றன. ‘
காதிலீன் பிளான்கோ [Louisiana Governor (Aug 31, 2005)]
![hurricane-flooding-1](https://ci5.googleusercontent.com/proxy/za8LHod_sGaCOtW5t0Npzembda5R19qUg0rmfnHR_sgnpOSnAZtarHj75cbfh9F62iwGsHaSm0dghzJKkewix5BQQgUQiMi03nAhtsVJkrP-f85sSgflNIkJ3lsce77iVsY075zZ4QE=s0-d-e1-ft#https://jayabarathan.files.wordpress.com/2016/10/hurricane-flooding-1.jpg?w=584&h=389)
உலகிலே நீளமான ஹரிக்கேன் பாதுகாப்புக் கரைமதில்கள்
2300 ஆண்டுகளுக்கு முன்பு மலைப் பாம்புபோல் கற்களால் கட்டப்பட்ட, உலக விந்தைகளில் ஒன்றான சைனாவின் பெரும் நெட்டை மதில்சுவர் [The Great Wall of China] 1500 மைல் தூரம் நீண்டு செல்பவை. ஆனால் அமெரிக்காவின் மெக்ஸிகோ வளைகுடாக் கரையில் இருக்கும் நியூ ஆர்லியன்ஸ் நகரைச் சுற்றிலும் எழுப்பியுள்ள குட்டைக் கரை மதில்கள் [Levees] 340 மைல் [560 மி.மீ] தூரம் கட்டப்பட்டு, கடல் மட்டத்துக்குத் கீழாக இருக்கும் பெரும்பான்மையான பகுதிகளை நீர் பாய்ந்து நிரப்பாமல் பாதுகாத்து வருகின்றன. நீளத்திலே சைனாவின் பெரு மதிலுக்கு குறைந்த தாயினும், உலகிலே குட்டை மதில்களில் மிக நீண்டதாக இந்த கரை மதில்களைக் கூறலாம். நியூ ஆர்லியன்ஸ் நகரத்தின் வடக்கே பொஞ்சார்ட்டிரைன் ஏரி [Lake Pontchartrain], கிழக்கே போர்ன் ஏரி [Lake Borgne], தெற்கில் ஊடே செல்லும் மிஸ்ஸிஸிப்பி நதி, பிறகு சிதறிக் கிடக்கும் மெக்ஸிகோ வளைகுடாப் பகுதிகளால் சூழப்பட்டது! கால மாறுபாட்டாலும், எப்போதும் ஹரிக்கேன் சூறாவளிகள் படையெடுக்கும் பாதையில் இருப்பதாலும், அந்த பகுதிகளின் நீர் மட்டம் அடிக்கடி உயர்ந்து நகரின் கீழ்த்தளப் பரப்புகளில் பாய்ந்து நிரப்பா வண்ணம் பாதுகாப்பு மதில்கள் கட்டப் பட்டிருக்கின்றன.
![hurricane-flooding-2](https://ci6.googleusercontent.com/proxy/2vZB1ESrV_I04SGVPYRRC1dPgLm95cq25wI4zUEe7uKq0ELUbdHZf6nGjSvSgYS0E_nwNN5mXMPcAwcN5EOx-NHRKLylReiGwvvfYzqBGbAcvEE_19GXUdeNdXd2KxjBhb1Sg0dGk8k=s0-d-e1-ft#https://jayabarathan.files.wordpress.com/2016/10/hurricane-flooding-2.jpg?w=584&h=388)
சென்ற நூற்றாண்டில் நாற்பது ஆண்டுகளுக்கு முன்பு 1965 செப்டம்பரில் தீவிரம்: 3-4 [Category: 3-4] கொண்ட ஹரிக்கேன் பெட்ஸி [Hurricane Betsy] கடைசியாக அடித்த சூறாவளிப் பேய்மழையில் நியூ ஆர்லியன்ஸ் நகரம் அதிர்ஷ்ட வசமாகப் பெருஞ் சேதத்திலிருந்து தப்பியது. ஆனால் பாதுகாப்பு மதில் தடுப்புகளிலும், சில உள்ளக நகராட்சிப் பகுதிகளிலும் [St. Charles, St. Bernard, Plaquemines Parishes] நீர் மட்டம் 23 அடி வரை உயர்ந்து விட்டது. மிகக் கடுமையான தீவிரம்: (4-5) கொண்டு நியூ ஆர்லியன்ஸ் நகரை மோதப் போகும் ஹரிக்கேன் கேட்ரினாவைப் பாதுகாப்பு மதில்கள் தாங்கிக் கொள்ள மாட்டா வென்று கேட்ரினா தாக்குவதற்கு முன்பே பல நிபுணர்கள் மீண்டும், மீண்டும் தமது எச்சரிக்கையை வெளிட்டனர். மதில்கள் சில மண் மேட்டாலும், சில இரும்புத் தட்டுகளாலும், சில காங்கிரீட் சுவர்களாலும் கட்டப் பட்டவை. ஆனால் அவை யாவும் தீவிரம்: 3 தாக்குதலுக்கே கட்டப் பட்டதால், கேட்ரினாவின் வேங்கை அடியைத் தடுத்துக் கொள்ள ஆற்றல் இல்லாதவை என்று முன்னெச்சரிக்கை செய்தது மெய்யாகவே இம்முறை நிகழ்ந்து விட்டது! புகழ் பெற்ற நியூ ஆர்லியன்ஸ் நகரைக் கடல் வெள்ளமும், புயலும் அடித்துக் கடல் நீரால் மூழ்க்கிப் பேரளவு நாசத்தை விளைவித்து விட்டது!
![hurricane-flooding-3](https://ci6.googleusercontent.com/proxy/TzRO88kvJhhALSl_dNvAE8rjMvAKpVJ6uKNlXxJpIHb3peSdhbEsFpQlFoAGtqyn1UFW7bkJRMo5npVlFpl57kZD2zGLIgHcoPudOfQQRqJ4r8skmU0G1dnMMIXwDNH1rJhzuEeik10=s0-d-e1-ft#https://jayabarathan.files.wordpress.com/2016/10/hurricane-flooding-3.jpg?w=584&h=389)
நியூ ஆர்லியன்ஸ் கரைமதில்கள் சொல்லும் கதை
சூறாவளிக் காற்று அடித்த ஒருநாள் கழித்து, 2005 ஆகஸ்டு 30 ஆம் தேதி செவ்வாய்க் கிழமை அன்று இரண்டு மதில் அணைகள் உடைக்கப்பட்டு, நகரின் 80% கடல் மட்டம் தாழ்ந்த பகுதிகளில், கடல் வெள்ளம் நிரம்பியது. முதலில் பேய்க்காற்று மணிக்கு 150 மைல் உச்ச வேகத்தில் தாக்கிக் கடல் வெள்ளத்தால் அடித்து, கரைமதிலில் 200 அடி அகலத்தைப் பெயர்த்து கடலே நகருக்குள் நுழைந்தது! அடுத்து காற்றின் வேகம் மணிக்கு 100 மைலாகத் தணிந்தாலும், கடல் நீரின் வலுவில் மதில் உடைப்பு 500 அடியாக அகன்று கடல்நீர் திமுதிமுவென நகருக்குள் அலை அலையாய் நுழைந்து தெருவெல்லாம் 20 அடி உயரத்துக்கு மேலாக நீர் நிரம்பியது. நாகரீகப் புராண நகரமான நியூ ஆர்லியன்ஸில் உள்ள மாட மாளிகைகள், கூட கோபுரங்கள், வாணிபக் கட்டடங்கள், வீடுகள், குடில்கள் யாவும் ஒருநாளில் மூழ்கிப் போயின!
![hurricane-matthew-mapping](https://ci3.googleusercontent.com/proxy/1ahTP9qtxdb0LERD4NnVN2LX258HDqIZNcT3sCcvdjPMu0bxBIFgM1Ac0uAWVmTD9YGbEtDmefMVtTPeWnTRGzgSBW6biH_uc-fiuCxhojEQhOX53LTiT7-Ge_l-MmZodcG-fo2hDTZLOCW2EQ=s0-d-e1-ft#https://jayabarathan.files.wordpress.com/2016/10/hurricane-matthew-mapping.jpg?w=584&h=329)
ஹரிக்கேன் மாத்தியூவின் போக்கு
2003 ஆண்டு முதல் ஈராக் போருக்குப் பிறகு கரைமதில் புதுப்பிப்பு பணிகளுக்கு ஒதுக்கப்பட்ட அரசாங்க நிதித்தொகை [Federal Fund] குறைந்து கொண்டே வந்தது. அரசாங்க நிதிவளம் ஈராக் போரைத் தொடரவும், உள்நாட்டுப் பாதுகாப்புக்கும், வரிக் குறைப்பு ஈடுக்கும் பங்கிடவே பற்றாமல் குழி விழுந்தது. 2004 ஆம் ஆண்டில் பொஞ்சார்டிரைன் ஏரிக் கரைமதில்களை மேம்படுத்த புஷ் அதிகார வர்க்கம் 20% குறைந்த அளவு தொகையைத் தருவதாகச் சொன்னது.
1. 2004 ஆண்டில் பொஞ்சார்டிரைன் ஏரிப் பகுதி ஹரிக்கேன் பாதுகாப்புக்கு ஒதுக்கிய நிதி யில்லாமையால் 20% [750 மில்லியன் டாலர்] மதிப்பளவே புஷ் அதிகார வர்க்கம் அளிப்பதாய் வாக்களித்தது.
2. 2005 ஆண்டில் மேற்கண்ட திட்டத்துக்கு 20 மில்லியன் டாலர் தேவைப்பட்ட போது, புஷ் அரசாங்கம், பட்ஜெட்டில் 3.9 மில்லியன் டாலரே ஒதுக்க முன்வந்தது.
3. காத்திருக்கும் காலம் நீடிக்க நீடிக்க, பிரச்சனைகள் பெருகி நிதிச் செலவை மிகையாக்கும். சில கரைமதில் செப்பனிடும் திட்டங்களை முடித்த கான்டிராக்டருக்கு, இன்னும் 5 மில்லியன் டாலர் தொகை கொடுக்கப் படாமலே இருக்கிறது.
![sheltered-people](https://ci4.googleusercontent.com/proxy/njZffCKKO2tZcM5zY756IzTX9VOTikxpXwQTpjtP8S0fIgOOEaO8Wt_-ZhNptRRgqrhwrhjpu3mEFxbyi3l2DBupvS9A5zHgcMHWDxeoXVtD259mviTjJJE1htDFZE9HkS18Uw=s0-d-e1-ft#https://jayabarathan.files.wordpress.com/2016/10/sheltered-people.jpg?w=584&h=417)
நிரம்பிய வெள்ளத்தை வெளியேற்றுவதில் பிரச்சனைகள்
அமெரிக்க இராணுவப் படையினர் கரைமதில்களில் உடைபட்ட பகுதிகளைச் செப்பனிட அரும்பாடு பட்டனர். இரட்டைச் சுழலிகள் சுழலும் CH-53 ஹெலிகாப்டர்களில் பறந்து கொண்டு 1360 கிலோ கிராம் சாக்கு மண் பைகளைத் தொப்பென இறக்கி உடைப்பை அடைக்க முயன்றார்கள். அது பலன் அளிக்க வில்லை! அடுத்து பெரும் இரும்புத் தொட்டிகளில் கற்களை நிரப்பி இடைவெளியை மூட முற்பட்டார்கள். அம்முறையும் பலன் தரவில்லை! நகரின் கடல்மட்டத் தணிவுப் பகுதிகளின் தேக்கு வெள்ளத்தை வெளியேற்ற ஆற்றல் மிக்க 22 பூத பம்பு நிலையங்கள் இருந்தாலும், அவை யாவும் நீரில் மூழ்கிப் போனதால் அவற்றை நீர்ப் பாதிப்பிலிருந்து முதலில் பாதுகாக்க வேண்டிய அவசியம் ஏற்பட்டது. தற்போது மூன்று பம்பு நிலையங்கள் செம்மை யாக்கப்பட்டு நீரை வெளியேற்றி வருகின்றன. அத்துடன் அபாய கால தற்காலிய பம்புகளை நிறுவி, நீர் நீக்கம் செய்யப்பட்டு வருகிறது. கடல் மட்டத்துக்குத் தணிவான பூதத் தொட்டி போல் நீர் கட்டிக் கிடக்கும் நியூ ஆர்லியன்ஸ் வெள்ளத்தையும், மற்றுமுள்ள சுற்றுப்புறப் பகுதிகளின் தேக்க நீரையும் வெளியேற்ற 24 முதல் 80 நாட்கள் ஆகலாம் என்று ஊகிப்படுகிறது.
![katrina-flooding](https://ci5.googleusercontent.com/proxy/IQ7l4NwZuWbJAzSGsNMycimie-eY0y5MORYJoUWsR6ugEqf480ZRzoRazp6vCIZrdMJpb3RKq0TFFFUkSf0nJJrRuTAuNHq5MRDTRFYWspkUPUK1_PfSN9HF5WwowxeN_g614w=s0-d-e1-ft#https://jayabarathan.files.wordpress.com/2016/10/katrina-flooding.jpg?w=584&h=398)
கரைமதில்களைச் செப்பனிடும் பணிகள்
நியூ ஆர்லியன்ஸ் நகரின் பெரும்பகுதிகள் கடல் மட்டத்திற்குச் சராசரி 6 அடித் தணிவாக உள்ளன. எல்லாவற்றிலும் கீழான தளம் 20 அடி தணிவாகவும், மேலான தளம் ஓரடி தணிவாகவும் இருப்பதாக அறியப்படுகிறது. ஏறக்குறைய நகரின் பாதிப்பகுதி [907 சதுர கி.மீடர்] நீர் மயமாகவும், மீதிப் பாகம் மட்டுமே நில மயமாகவும் இருக்கின்றது. இயற்கையாகவே உண்டாகும் நீர் வெள்ளத் தாக்குதலை நியூ ஆர்லியன்ஸ் தவிர்க்க முடியாததால், எஞ்சினியர்கள், கால்வாய்கள், கரை மதில்கள், நீர் வெளியேற்றுப் பம்புகள் கொண்ட மிகவும் சிக்கலான சில முறைகளை அமைத்து, நகரின் வெள்ளத் தேக்கங்களைக் கையாள கட்டி யுள்ளனர். குறைந்த அளவு [2.5 செ.மீ] மழைகூட சில பகுதிகளில் சிறிது நீர்த் தேக்கத்தை உண்டாக்கித் தொல்லை கொடுத்து விடும். நகரின் சராசரி ஆண்டு மழைப் பொழிவு 90 செ.மீ.
![new-orleans-1](https://ci4.googleusercontent.com/proxy/imVEprxUdAkgG3urYnT5EKsVFbXo4GXe-vApntlM2yx5P0mDhip-mMpX04bM5KFKqTt9isk0hkRenzo9O2y8ujIRerIZfDeAYUaE7TvK8k6A-pWbBwo7ukjpeU_eqDmLyQ=s0-d-e1-ft#https://jayabarathan.files.wordpress.com/2016/10/new-orleans-1.jpg?w=584&h=767)
நியூ ஆர்லியன்ஸ் நகரை உருவாக்கிய பிரெஞ்ச் நிபுணர்கள் 1718 ஆம் ஆண்டு முதல் கரை மதில்களைக் கட்டி நகரின் கடல் மட்டத் தணிவுப் பகுதிகளைப் பாதுகாத்தனர். அதுமுதல் பிற்காலச் சந்ததிகளும் நகரின் கரை மதில்களைச் செம்மைப் படுத்தி அவற்றின் நீளம், உயரம், வலு போன்றவற்றைத் தொடர்ந்து விருத்தி செய்து வந்துள்ளனர். 1965 இல் ஹரிக்கேன் பெட்ஸி நியூ ஆர்லியன்ஸ் கடற்கரைப் பகுதியைத் தாக்கி நீர் வெள்ளம் தேங்கிப் பாதகம் விளைந்த போது, கரைமதில்களின் உயரம் பல மீடர்கள் அதிகமாக்கப் பட்டன. ஆயினும் தீவிரம்: (4-5) கொண்ட ஹரிக்கேன்களின் அடியைத் தாங்கிக் கொள்ளும் ஆற்றல் அம்மதில்களுக்கு அறவே இல்லை. நியூ ஆர்லியன்ஸ் நகரைச் சுற்றியுள்ள குட்டைக் கரைமதிகள், நாளுக்கு நாள் புதைந்து போய் அவற்றின் உயரங்கள் குன்றி வருகின்றன. அவற்றைத் தொடர்ந்து கண்காணித்து எஞ்சினியர்கள் செம்மைப் படுத்தினாலும், எடுத்த பணிகள் முழுவதும் இதுவரை முடிவடைய வில்லை.
![new-orleans-city-1](https://ci5.googleusercontent.com/proxy/jCNdDCAaCG7yzW4R_6bzXoRabh9oOOaCK03mnKFa7iTjOR6_2O1DZCJaOu6mTcMf6HT0ygL75NdqSBsauCvtgVIURmc-Cp1tNt0WEmH-DXJtcaHAnrPDqM1X4iA3ghRlZvdeH-ka=s0-d-e1-ft#https://jayabarathan.files.wordpress.com/2016/10/new-orleans-city-1.jpg?w=584&h=417)
பெருநகரைப் பெருநரக மாக்கிய ஹரிக்கேன் கேட்ரினா
நியூ ஆர்லியன்ஸ் நகரம் சுமார் 480,000 பேர் வாழ்வதற்குரிய இல்லங்களைக் கொண்டது. ஆனால் அதன் வாணிபத் தொழில் துறைகளுக்கு வந்து போகும் மக்கள் தொகையையும் சேர்த்தால் 1.3 மில்லியனுக்கு மேற்பட்டது என்று யூகிக்கப் படுகிறது. இப்போது ( செப் 7, 2005) அடித்த கேட்ரினாவில் 10,000 பேருக்கு மேலாக இறந்திருக்கலாம் என்று அறியப் படுகிறது. ஆரம்பத்தில் 80% பரப்பாக இருந்து ஒரு வாரம் கழித்து நீர் மட்டம் குறைந்து தற்போது நகரின் 60% பரப்பில் மாசுகள் படிந்த வெள்ளம் சூழ்ந்து, விஷப் பண்டங்கள் கலந்து, பாக்டாரியா பெருகிப் பாதுகாப்புக்குப் மேல் 45,000 மடங்கு கூடி விட்டது என்று அறிவிக்கப் படுகிறது. நீர் வெளியேற்றிப் பம்புகள் நகரின் அசுத்த வெள்ளத்தை நீக்க இன்னும் பல வாரங்கள் ஆகலாம் என்று எஞ்சினியர்கள் கூறுகிறார்கள்.
![new-orleans-3](https://ci6.googleusercontent.com/proxy/3ob7TM5TqlD6996y6uIFauWiRSJZRklP_OYMz2p9x6i1DjFVdFI_TGABebFaBLXM2WyfL37lxj3zUwNOyfTABODBYkVStq8xrhI1hL8RudXCDMcZ01u2Y2IhPjM4FK9YqA=s0-d-e1-ft#https://jayabarathan.files.wordpress.com/2016/10/new-orleans-3.jpg?w=584&h=365)
நியூ ஆர்லியன்ஸ் நகர் முழுவதும் நாசமாகிப் பெரும்பான்மையான நகர மக்கள் வெளியேறி விட்டதால், 400,000 பேர்கள் உழைப்பும், ஊதியமும் இழந்து, மாநில அரசாங்கத்தின் வருமானம் பெருத்த அளவில் சிறுத்து விட்டது. நீர்த் தேக்கங்களை வெளியேற்றி, கழிவு நீர் ஏற்பாடுகளைச் சீராக்கி, நகரத்தைச் சுத்தீகரித்துப் புத்துயிர் உண்டாக்கவும் குடிநீர், மின்சாரம், எரிவாயு, போக்குவரத்து, தகவல், வசதிகளைச் செப்பனிடவும் நிதித்தொகை (50-60) பில்லியன் டாலர் ஆகலாம் என்று தற்போது எதிர்பார்க்கப் படுகிறது. இனிவரும் அடுத்த 10 ஆண்டுகளில் எஞ்சினியர்கள் [Army Corps of Engineers] ஸேலா நீர் தேக்கக் கட்டுப்பாடுத் [Southeast Louisiana Urban Flood Control Unit (SELA)] திட்டத்தில் 430 மில்லியன் டாலர் செலவு செய்து, கரைமதில்களின் உயரம், ஆற்றலை அதிகரிக்கவும், புது பம்பு நிலையங்கள் கட்டவும் நகராட்சியில் வழிகள் வகுக்கப் பட்டுள்ளன. ஆயினும் உயிரில்லாத நியூ ஆர்லியன்ஸ் நகரம், நகர நடப்பு உள்ளமைப்புகளை [Infrastructure] மீண்டும் உருவாக்கி ஓரளவு இயங்க மூன்று அல்லது ஐந்தாண்டுகள் கூட ஆகலாம்.
![sheltered-people](https://ci3.googleusercontent.com/proxy/_NempR5FuWzpMQAoek5dFlQwp7e10XrciQssEqQXQfKm-U6LcZk7P2sDPKXg_LuzMNgIwRZOVVZZRT_0zaQkZhQaimOCJYuE78fTVAw2DtHlvYlNUVKkZc3d4ILwacG1nhDLy84=s0-d-e1-ft#https://jayabarathan.files.wordpress.com/2016/10/sheltered-people1.jpg?w=584&h=417)
- https://youtu.be/FY86NrdqoQ4
- https://youtu.be/hxRWe58BZHA
- https://youtu.be/-Kou0HBpX4A
- https://youtu.be/7qym7b-qvkE
++++++++++++++++++++++++++++++
தகவல்:
1. New Orleans Levees No Match for Katrina By: David Crary [AP National Writer (Aug 31, 2005)]
2. Why the Levee Broke By: Will Bunch, Attytood [www.alternet.org/story/24871/
3. New Orleans Levees Patched, Army Starts Pumping Water, [Update: 2 & 6] (Sep 6, 2005)
4. Law Enforcement May Forcibly Remove New Orleans Residents By: Scott Gold & Lianne Hart [www.Newsday.com] [Times Staff Reporters (September 7, 2005)]
5. When the Levee Breaks By: Bill Diskoch, CTV.ca News Writer (Sep 5, 2005)
6. Mayor of New Orleans Orders Forced Evaquations By: CTV.ca News Staff (Sep 7, 2005)
7. An American Tragedy, Time Magazine Special Report (Sep 2, 2005) Picture Courtesy: Time.
8. http://www.nhc.noaa.gov/ [
9. http://environment.
10. https://en.wikipedia.org/
11. https://en.wikipedia.org/
12. https://en.wikipedia.org/
13. https://blogs.
14. https://blogs.
15. http://www.dailygalaxy.
16. http://www.dailygalaxy.
17. http://www.dailygalaxy.com/
18. http://www.dailygalaxy.
21.https://ca.images.search.
*****************************
jayabarathans@gmail.com [S. Jayabarathan] (September 5, 2021)
- ராமலிங்கம்
- நட்பில் மலர்ந்த துணைமலராரம்
- வீடு
- மூன்று பேர்
- கோவில்கள் யார் வசம்?
- குருட்ஷேத்திரம் 9 (திருதராஷ்டிரனால் காலத்தின் கையில் ஊசலாடிய குருதேசம்)
- குருட்ஷேத்திரம் 10 (வசுதேவ கிருஷ்ணனின் தந்திரத்துக்கு அஸ்வத்தாமன் தந்த பதிலடி)
- அசுரப் பேய்மழைச் சூறாவளி ‘ஐடா’ வட கிழக்கு அமெரிக்காவில் விளைத்த பேரழிவுகள்
- முன்மாதிரி ஆசிரியை அஸ்வினியும் மாண்டிசோரி கல்விமுறையும்!
- ஐரோப்பா பயண கட்டுரை
- கவிதையும் ரசனையும் – 21
- ரிஷி’ (லதா ராமகிருஷ்ணன்)யின் கவிதைகள்